| e-texts navigator |
| བོད་ཡིག |
37a1 skye mched la mkhas par gyur pas 'chi bdag gi bdud las rgyal lo/ /shes rab kyis rten cing 'brel bar 'byung ba la mkhas par gyur la yang dag pa'i mtha' yang mngon
37a2 sum mi byed pas lha'i bu'i bdud las rgyal lo/ /blo gros rgya mtsho gzhan yang byang chub sems dpa' chos thams cad la stong par mos pas phung po'i bdud kyis skabs mi rnyed do/ /chos tham
37a3 cad la mtshan ma med par yid ches pas nyon mongs pa'i bdud kyis skabs mi rnyed do/ /chos thams cad smon pa med par som nyi med pas 'chi bdag gi bdud kyis skabs mi rnyed do/ /chos thams
37a4 cad la mngon par 'du bya ba med par the tsom med la dge ba'i rtsa ba mngon par 'du bya bas kyang mi ngoms pas lha'i bu'i bdud kyis skabs mi rnyed do/ /blo gros rgya mtsho gzhan yang gang gi tshe byang chub
37a5 sems dpa' lus la lus kyi rjes su lta ba'i dran pa nye bar gzhag pa bsgom zhing / lus dang lhan cig song ba'i rnam par rtogs pas kyang rnam par mi rtog pa de'i tshe phung po'i bdud yang dag par
37a6 'jom mo/ /gang gi tshe tshor ba rnams la tshor ba'i rjes su lta ba'i dran pa nye bar gzhag pa bsgom zhing / tshor ba dang lhan cig song ba'i rnam par rtog pas kyang rnam par mi rtog pa de'i tshe nyon mongs pa'i
37a7 bdud yang dag par 'jom mo/ /gang gi tshe sems la sems kyi rjes su lta ba'i dran pa nye bar gzhag pa bsgom zhing sems dang lhan cig song ba'i rnam par rtog pas kyang rnam par mi rtog pa
37a8 de'i tshe 'chi bdag gi bdud yang dag par 'jom mo/ /gang gi tshe chos rnams la chos kyi rjes su lta ba'i dran pa nye bar gzhag pa bsgom zhing chos dang / lhan cig song ba'i rnam par rtog pas kyang rnam
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo