| e-texts navigator |
| བོད་ཡིག |
33a1 rgya mtshos gsol pa/ bcom ldan 'das ting nge 'dzin 'di ni zab lags so/ /bcom ldan 'das kyis bka' stsal pa/ blo gros rgya mtsho gting mi dmigs pa'i phyir ro/ /gsol pa bcom ldan 'das ting nge 'dzin
33a2 'di ni blta dka' ba lags so/ /bka' stsal pa/ gnyis dang bral ba'i phyir ro/ /gsol pa bcom ldan 'das ting nge 'dzin 'di ni rtogs par dka' ba lags so/ /bcom ldan 'das kyis bka' stsal pa/ nga rgyal gyis lhag
33a3 par sems pa lhag par mi phyed pa'i phyir ro/ /gsol pa bcom ldan 'das ting nge 'dzin 'di ni rnam par 'tshal bar dka' ba lags so/ /bcom ldan 'das kyis bka' stsal pa/ rnam par shes pa dang ye shes mnyam
33a4 pa nyid du rtogs pa'i phyir ro/ /gsol pa/ bcom ldan 'das ting nge 'dzin 'di ni gsal ba lags so/ /bcom ldan 'das kyis bka' stsal pa/ sgrib pa med pa'i rnam par thar pa rab tu thob pa'i phyir ro/ /
33a5 gsol pa bcom ldan 'das ting nge 'dzin 'di ni shin tu phra ba lags so/ /bcom ldan 'das kyis bka' stsal pa/ dpe rnam par gzhag pa dang bral ba'i phyir ro/ /gsol pa bcom ldan 'das ting nge 'dzin 'di
33a6 ni snying po lags so/ /bcom ldan 'das kyis bka' stsal pa/ rdo rje lta bu'i ye shes rab tu thob pa'i phyir ro/ /gsol pa/ bcom ldan 'das ting nge 'dzin 'di ni dbyer ma mchis pa lags so/ /
33a7 bcom ldan 'das kyis bka' stsal pa/ sngon gyi mtha' dang phyi ma'i mtha' dbyer med pa'i phyir ro/ /gsol pa bcom ldan 'das ting nge 'dzin 'di ni chags pa ma mchis pa lags so/ /bcom ldan 'das kyis bka' stsal pa/
33a8 chags pa'i lam thams cad las shin du 'das pa'i phyir ro/ /gsol pa bcom ldan 'das ting nge 'dzin 'di ni snang bar gyur pa lags so/ /bcom ldan 'das kyis bka' stsal pa/ gti mug gi mun pa dang bral ba'i phyir ro/ /
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo