rKTs

e-texts navigator

Volume

Page

30a₁ 'di thams cad rdo rjer gnas par 'gyur ba 'di ni shugs chen po ma 'dres pa 'byung ba dang po'o/ /shing ljon pa thams cad la lo ma dang / me tog dang / 'bras bu sna tshogs chags te byang chub kyi shing ga la ba
30a₂ de logs su 'dud cing 'dud la rab tu 'dud de mngon par rab tu 'dud par 'gyur ba dang / sems can thams cad kyang skad cig de la nyon mongs pa thams cad kyi gnod par mi 'gyur ba dang / ngan song ba'i sems
30a₃ can thams cad kyis byang chub kyi snying po la 'dug pa'i byang chub sems dpa' mthong ste/ mthong nas kyang bde ba thams cad kyis tshim par 'gyur ba dang / 'jig rten gyi khams thams cad du yang bar gyi 'jig
30a₄ rten gyi khams rnams gser gyi kha dog lta bu'i 'od kyis khyab par 'gyur ba dang / sa g.yo ba chen po 'jig rten du 'byung bar 'gyur zhing sems can gang la'ang rnam par gnod par mi 'gyur ba dang / phyogs bcu
30a₅ na bzhugs pa'i sangs rgyas bcom ldan 'das rnams zhal ston cing mi 'jigs pas dbugs 'byin par mdzad de/ ded dpon chen po rgyal bar gyur cig /rgyal bar gyur cig ces gsung brjod par 'gyur
30a₆ ba dang / sems kyi skad cig gcig la sangs rgyas kyi chos thams cad chub par 'gyur ba dang / blo gros rgya mtsho shin tu dkar ba dri ma med pa'i phyag rgya'i ting nge 'dzin thob ma thag tu shugs chen po ma 'dres
30a₇ pa brgyad po de dag 'byung bar 'gyur ro/ /'di ltar ting nge 'dzin 'di'i mthus 'dir yon tan gyi rgyu dpag tu med par yang kun tu snang ngo / /de nas de'i tshe bcom ldan 'das kyis tshigs su bcad pa 'di dag
30a₈ gsungs so/ /chos 'di dri med dag dge rang bzhin 'od gsal te/ /nam mkha' mtshungs shing mnyam la gdod nas byung ba med/ /ma skyes ma byung gnas pa med cing 'gags pa med/ /'di ni rgyal

_{iiif viewer powered by OpenSeadragon}

29b - 30b

Texts on this page