| e-texts navigator |
| བོད་ཡིག |
29a1 dkar ba zhes bya'o/ / //'phags pa blo gros rgya mtshos zhus pa/ bam po gsum pa/ blo gros rgya mtsho ci'i phyir dri ma med pa'i phyag rgya zhes bya zhe na/ blo gros rgya mtsho nyi shu po 'di dag ni dri ma med
29a2 pa'i phyag rgya'i sgo yin te/ de dag gis ni ting nge 'dzin 'di dri ma med pa'i phyag rgya zhes bya'o/ /nyi shu po gang zhe na/ 'di lta ste/ ngar 'dzin pa yongs su dag pas dri ma med pa'i phyag rgya dang / ngar yir 'dzin pa
29a3 yongs su dag pas phyi yongs su dag pa dri ma med pa'i phyag rgya dang / lta bar song ba thams cad yongs su dag pas 'jig tshogs kyi ngo bo nyid yongs su dag pa dri ma med pa'i phyag rgya dang / gdod ma nas yongs su
29a4 dag pa'i phyir sems can thams cad bdag med pa yongs su dag pa dri ma med pa'i phyag rgya dang / ro gcig pa'i phyir chos thams cad mnyam pa nyid du rtogs pa yongs su dag pa dri ma med pa'i phyag rgya dang / rnam par thar
29a5 pa thams cad yongs su dag pa'i phyir stong pa nyid dang / mtshan ma med pa dang / smon pa med pa yongs su dag pa dri ma med pa'i phyag rgya dang / shin du yongs su dag pa'i phyir nam mkha' yongs su dag pa dri
29a6 ma med pa'i phyag rgya dang / tha dad du bya ba med pa'i phyir sems can gyi khams dang chos kyi dbyings yongs su dag pa dri ma med pa'i phyag rgya dang / rang gi mngon par shes pa yongs su dag pa'i phyir mngon sum legs par
29a7 mthong ba yongs su dag pa dri ma med pa'i phyag rgya dang / rtag du snang ba yongs su dag pa'i phyir nyi ma'i dkyil 'khor ltar rab tu gsal ba'i yongs su dag pa dri ma med pa'i phyag rgya dang / chags pa thams cad dang bral
29a8 ba'i yongs su dag pa'i phyir dus gsum la chags pa med pa'i ye shes mthong ba yongs su dag pa dri ma med pa'i phyag rgya dang / rnam par shes pa dang ye shes gnas pa med pa'i phyir rnam par rig pa'i sgo yongs su
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo