| e-texts navigator |
| བོད་ཡིག |
26b1 stobs thams cad dang ldan pa yin te/ de lhun gyi grub par sangs rgyas kyi zhing thams cad du snang bar byed cing sangs rgyas kyi zhing de dag na sems can de dag gi/ gzugs dang mtshan dang gzi brjid dang rgyan rnams ci 'dra bar byang chub sems dpa' de'i yang
26b2 lhun gyis grub cing yongs su brtags pa med par de 'dra bar gnas so/ /de 'od bkod pa'i lus dang ldan pa yin te/ de gang gi tshe lus las 'od rab tu gtong ba de'i tshe sangs rgyas kyi zhing grangs med dpag
26b3 tu med pa rnams snang bas khyab par byed do/ /de'i 'od de ni bde ba skyid pa ste/ sems can dmyal ba ngan song ba'i sems can thams cad bde bar byed pa'o/ /de'i 'od de ni bde ba la reg pa byed pa ste/
26b4 nyon mongs pas gdungs pa'i sems can thams cad rab tu zhi bar byed pa'o/ /de'i 'od de ni rab tu sim par byed pa ste/ sems can rnams kyi lus dang sems dga' ba bskyed pa'o/ /de lus nyid kyi
26b5 sems can rnams la sangs rgyas kyi mdzad pa byed de/ 'di ni byang chub sems dpa'i lus kyi las ye shes sngon du 'gro ba'o/ /blo gros rgya mtsho de la byang chub sems dpa'i ngag gi las ye shes sngon
26b6 du 'gro ba gang zhe na/ blo gros rgya mtsho 'di la byang chub sems dpa' ni tshig 'khrul pa'i skyon thams cad spangs par ngag gi las 'byung ngo / /blo gros rgya mtsho de la tshig 'khrul pa'i skyon de dag gang
26b7 zhe na/ blo gros rgya mtsho byang chub sems dpa' ni tshig 'khrul pa'i skyon drug bcu rtsa bzhi dang bral zhing rnam par spangs par ngag gi las 'byung ste/ drug bcu rtsa bzhi gang zhe na/ blo gros rgya mtsho 'di la byang
26b8 chub sems dpa' ni tshig rtsub po med pa yin/ tshig rnyog pa med pa yin/ gyo mo'i sgra lta bu med pa yin/ grum pa'i sgra lta bu med pa yin/ sgra ha cang che ba ma yin/ sgra ha cang chung ba ma yin/ sgra ha cang drag
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo