| e-texts navigator |
| བོད་ཡིག |
26a1 de lus yongs su dag pa yin te lus mtshan nyid kyis legs par brgyan pa dang / lag pa dang rkang pa 'jam zhing mnyen pa dang / bsod nams kyi rgyu 'thun pa'i lus shin du rnam par phye ba dang / dbang po
26a2 ma tshang ba med pa dang / yan lag dang nying lag thams cad yongs su rdzogs pa yin yang gzugs kyis rgyags shing dregs pa med pa yin te/ lus che ba'i tshul dang ldan pa ma yin no/ /de chos
26a3 'dzin pa nye bar bzung nas sems can ji tsam du dman pa gzugs ma tshang ba rnams la yang 'dud do/ /rab tu 'dud do/ /de rang gis lus kyi chos nyid kyis sems can thams cad kyi lus kyi chos
26a4 mnyam pa nyid du shes pa la 'jug go/ /de lus la lus kyi chos nyid shes nas chos kyi lus yin gyi zang zing gi lus ma yin no/ /de la lus kyi chos nyid gang zhe na/ gang bsam gtan gyi zas
26a5 za ba yin te/ zang zing gi zas za ba ma yin te/ 'jig rten dang 'thun par sems can la snying brtse ba'i phyir zas za'i/ lus nyam chung ba'i phyir ni ma yin no/ /de chos kyi lus su gyur nas chos kyis
26a6 srog 'tsho'i zang zing gis srog 'tsho ba ni ma yin no/ /de la chos kyis srog 'tsho ba gang zhe na/ gang srog gi phyir yang bya ba ma yin par mi byed pa dang / 'phags pa'i tshul las mi 'da' ba'o/ /de la
26a7 'phags pa rnams kyi tshul gang zhe na/ 'di lta ste/ chags pa med pa dang / sdang ba med pa dang / rmongs pa med pa dang / nyon mongs pa thams cad dang bral ba dang / ji ltar bslab pa bcas pa bzhin du kun du
26a8 bsrung ba dang / sbed pa dang rab tu gnas pa 'di ni 'phags pa rnams kyi tshul zhes bya'o/ /de la byang chub sems dpa' ye shes sngon du 'gro ba'i lus kyi las dang ldan pas mngon par shes pa dang / rdzu 'phrul gyi
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo