| e-texts navigator |
| བོད་ཡིག |
24b1 pu bgrod lam mnyam pa nyid/ /lam gyi shes pa rab tu rtogs/ /nges pa'i don gyi don rnams mthong / /blo ni don gyi rjes su zhugs/ /skad ni skad med khong du chud/ /sgra rnams kun la sngon mtha' dang / /phyi ma'i
24b2 mtha' mar yongs su gcod/ /don dang tshig 'bru rnams la mkhas/ /chos rnams gnyis su med par rtogs/ /brjod du med pa'i don la ni/ /'di nyid yang dag khong du chud/ /skye ba med par sdug bsngal
24b3 shes/ /kun 'byung ba la mnyam pa'i blo/ /'gog pa shes pa zad par bstan/ /lam shes pa ni 'dus ma byas/ /lus dang tshor ba sems dang ni/ /chos la chos su rjes su rtogs/ /dran med
24b4 yid la byed med pa'i/ /dran pa nye bar gzhag pa ston/ /chos kyi dbyings ni dbyings min par/ /yang dag nyid ni mnyam pas mnyam/ /spong bas spang du med pa ni/ /yang dag spong bar rab tu bstan/
24b5 sems la dbang ni thob pa yi/ /rdzu 'phrul rkang pa rab tu bstan/ /chags pa kun las rab 'das pa/ /de ni dad pa'i dbang po yin/ /chos rnams thams cad rnam dben pa/ /de ni brtson 'grus dbang
24b6 po yin/ /dran pa med cing dran 'jug pa/ /de ni dran pa'i dbang po yin/ /chos rnams yid la mi byed pa/ /de ni ting 'dzin dbang po yin/ /spros las shin du rab 'das pa/ /de ni shes rab dbang po
24b7 yin/ /yang dag nyid ni rtogs nas de/ /gzhan gyi dad pas 'gro ma yin/ /sems ni g.yo ba yod min pa/ /dad pa'i stobs ni 'di 'dra'o/ /yang dag shes las nyams pa med/ /dran pa'i stobs
24b8 ni 'di 'dra'o/ /ting nge 'dzin gyi stobs mdzod ni/ /des par sems la dga' ba yin/ /mi rtog rnam par mi rtog pa/ /shes rab stobs ni 'di 'dra'o/ /chos rnams rtogs pa'i don du ni/ /byang chub yan
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo