| e-texts navigator |
| བོད་ཡིག |
23b1 shes rab des mngon sum du 'gyur ro/ /gang mngon sum du 'gyur zhe na/ chos rnams kyi yang dag pa'i mtshan nyid la mngon sum du 'gyur ro/ /chos rnams kyi yang dag pa'i mtshan nyid gang zhe na/ mtshan nyid
23b2 gzhi de la kun du mi spyod pa'o/ /chos rnams kyi mtshan nyid kyi gzhi gang zhe na 'di lta ste rnam par rig pa ni chos rnams kyi mtshan nyid kyi gzhi'o/ /rnam par rig pa de'i yang dag pa ji lta ba'i mtshan nyid gang yin pa de
23b3 nyid ni chos rnams kyi yang dag pa'i mtshan nyid ces bya'o/ /gang gi tshe tshor ba thams cad rgyun bcad par gyur pa de'i tshe snang bar yang mi byed/ mi snang bar mi byed do/ /de la snang ba ni gang / mi snang ba ni gang zhe na/
23b4 snang ba zhes bya ba ni skye ba'o/ /mi snang ba zhes bya ba ni 'gag pa'o/ /gang gi tshe snang bar yang mi byed mi snang bar yang mi byed pa de'i tshe/ skye bar yang mi byed 'gag par yang mi byed do/ /gang gi tshe skye bar yang mi byed
23b5 'gag par yang mi byed pa de'i tshe chos nyid la gnas pa yin te chos kyi dbyings 'khrugs par mi byed/ de bzhin nyid las mi g.yo/ yang dag pa'i mtha' 'jig par mi byed do/ /de la chos kyi dbyings shes bya ba ni
23b6 rten cing 'brel par 'byung ba rjes su rtogs pa'o/ /de bzhin nyid ni de kho na'i mtshan nyid khong du chud pa'o/ /yang dag pa'i mtha' ni gnyis su med pa'i yang dag par mngon par rtogs pa'o/ /blo gros rgya mtsho de ltar
23b7 mngon sum du shes pa rig pa'i byang chub sems dpa' sems dpa' chen po ni shin du phigs pa shes pa zhes bya'o/ /sbyang ba dang gnod pa dang nges par 'bigs pa'i le'u 'di/ bcom ldan 'das kyis bshad pa'i tshe/
23b8 lha dang mi'i skye dgu'i srog chags khrag khrig phrag bcu gnyis kyis bla na med pa yang dag par rdzogs pa'i byang chub tu sems bskyed do/ /srog chags khri drug stong gis bzod pa rab tu thob par gyur to/ /de nas de'i tshe bcom ldan
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo