rKTs

e-texts navigator

Volume

Page

23a₁ snyoms dang / chos thams cad 'khor gsum yongs su dag pa dang / sngon gyi mtha' nas stong pa dang / phyi ma'i mthar dben pa dang / da ltar byung ba na bdag med pa'o/ /blo gros rgya mtsho de ltar
23a₂ gang chos zab mo rgyun chad pa tshig 'bru dang bral ba nam mkha' dang mtshungs pa/ 'di lta bu 'di dag rtogs pa dang khong du chud pa dang 'jug pa shes pa la dpyod pa dang / sems pa dang 'jal ba dang bgrang ba dang /
23a₃ nye bar rtog pa dang nan tan byed pa 'di ni thams cad mkhyen par sems bskyed pa rin po che de 'bigs pa'o/ /de ltar thams cad mkhyen par sems bskyed pa rin po che de phigs na/ chos thams cad la dbang bsgyur
23a₄ ba nyid lhun gyis grub pa nyid du 'thob par 'gyur ro/ /blo gros rgya mtsho 'di lta ste dper na/ zla ba dang nyi ma'i gzhal med khang lhun gyis grub par rnam par rgyu zhing 'dzam bu'i gling thams cad du/ snang bar byed kyang
23a₅ lha'i bu nyi ma dang zla ba 'di snyam du bdag cag 'gro 'am 'on te ldog snyam du mi sems par sems can rnams kyi bsod nams kyi 'bras bu rnam par smin pas de dag 'gro'o/ /blo gros rgya mtsho de bzhin du rab tu phigs pa'i shes
23a₆ p a dang ldan pa'i byang chub sems dpa' sems dpa' chen po yang lhun gyis grub par sangs rgyas kyi zhing tshad med pa dag na sems can gyi don byed kyang byang chub sems dpa' sems dpa' chen po de ni yang mngon par
23a₇ 'du byed pa med par bya ba de dag kun du ston to/ /blo gros rgya mtsho de la byang chub sems dpa'i 'bigs pa shes pa gang yin pa de ni/ bsam gtan gyi pha rol tu phyin pa dang / shes rab kyi pha rol du phyin par yongs
23a₈ su btsal bar bya'o/ /de ci'i phyir zhe na/ byang chub sems dpa' mnyam par bzhag na lhag mthong gi chos rnams mthong gi mnyam par bzhags pas ni ma yin no/ /de'i mthong ba gang yin pa de ni shes rab ste/

_{iiif viewer powered by OpenSeadragon}

22b - 23b

Texts on this page