rKTs

e-texts navigator

Volume

Page

22b₁ dga' ba yang dag byang chub kyi yan lag dba' rlabs med pa dang / rab tu sbyangs pa yang dag byang chub kyi yan lag lus dang sems la zhugs pa dang / ting nge 'dzin yang dag byang chub kyi yan lag mnyam
22b₂ pa nyid khong du chud pa dang / btang snyoms yang dag byang chub kyi yan lag gnyis dang bral ba dang / yang dag pa'i lta ba lta ba thams cad spong ba dang / yang dag pa'i rtog pa rtog pa dang rnam par rtog pa dang /
22b₃ yongs su rtog pa thams cad dang bral ba dang / yang dag pa'i ngag sgra skad thams cad mnyam pa nyid la 'jug pa dang / yang dag pa'i las kyi mtha' lus dang / sems kyi las dang bral ba dang / yang dag
22b₄ pa'i 'tsho ba tshol ba thams cad rgyun bcad pa dang / yang dag pa'i rtsol ba 'deg pa med cing 'jog pa med pa dang / yang dag pa'i dran pa dge ba dang mi dge ba'i rnam par rig pa la mi 'jug pa dang / yang dag
22b₅ pa'i ting nge 'dzin sems kyi dmigs pa mnyam pa nyid la 'jug pa dang / zhi ba zhi gnas kyi mthar song ba dang / lhag mthong lta ba rnam par dag pa dang / skye ba med pa'i don mi rtag pa'i don dang / gdod ma
22b₆ nas skye ba med pa'i don sdug bsngal gyi don dang / rgyu ba med pa'i don bdag med pa'i don dang / nye bar zhi ba'i don zhi ba'i don dang / dul bas sbyin pa dang / bsil ba'i dngos por gyur pa'i tshul khrims dang /
22b₇ zad pa'i chos dang ldan pa'i bzod pa dang / shin du rnam par phye bas rnam par 'byed pa'i brtson 'grus dang / nad nye bar zhi ba'i bsam gtan dang / yang dag pa ji lta ba bzhin du rab tu shes pa'i mtshan
22b₈ nyid kyi shes rab dang / sems can gdod ma nas rnam par dag pa'i byams pa dang / nam mkha' dang mtshungs pa'i snying rje dang / dga' ba med pa'i dga' ba dang / rtsod pa thams cad rgyun bcad pa'i btang

_{iiif viewer powered by OpenSeadragon}

22a - 23a

Texts on this page