| e-texts navigator |
| བོད་ཡིག |
19a1 phyin pa drug bsgom pa yongs su rdzogs par 'gyur zhing theg pa chen po de las kyang mi nyams te 'di ni byang chub sems dpa'i ngag gi gnod pa bzod pa'o/ /blo gros rgya mtsho de la byang chub sems
19a2 dpa'i sems kyi gnod pa bzod pa gang zhe na/ gang bdud thams cad kyis byang chub kyi sems de las phral yang mi g.yo ba dang / phas kyi rgol ba dmigs par lta ba la mngon par zhen pa thams cad kyis yang
19a3 dag pa'i bsam par zhugs pa thams cad mkhyen pa sems de las mos pa bzlog kyang mi brjed pa dang / sangs rgyas kyi gzugs su 'dug kyang mi mnyam pa dang mnyam pa'i sems de las nyams par
19a4 byed mi nus te bdud rdzu 'phrul chen po dag gis khyod kyi theg pa chen po yang dag par bsgrub par mi nus kyis khyod kyis gces par bya ba 'di thong shig / khyod kyis brtson 'grus 'di 'or cig /byang chub ni rnyed par
19a5 dka' ba/ sangs rgyas kyi chos rnams ni rnyed par dka' ba ste 'dir 'khor ba'i sdug bsngal mang du myong bar 'gyur ro/ /gang dag mya ngan las 'das pa de dag ni bde ba yin gyis skyes bu dam pa khyod myur du
19a6 mya ngan las 'das par gyis shig ces de la sems skul zhing sems dran par byed la/ blo gros rgya mtsho gal te byang chub sems dpa' sems dpa' chen po la de ltar bral bar byed de ltar mos pa zlog par
19a7 byed kyang sngon gyi go cha mi 'dor zhing bsam pa rnam par 'khrugs par mi byed kyi de 'di snyam du sems te/ bdag gis nges par byang chub kyi snying po mnan par bya/ bdag gis nges par bdud dpung dang bcas par
19a8 'pham par byas te bla na med pa yang dag par rdzogs pa'i byang chub mngon par rdzogs par 'tshang rgya bar bya/ bdag gis nges par chos kyi 'khor lo rab tu bskor bar bya/ bdag gis nges par stong gsum gyi stong chen
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo