| e-texts navigator |
| བོད་ཡིག |
17a1 lus la gnas pa dang / lus la chags pa ste/ lus btang na gnod sems kyang gtong ngo / /blo gros rgya mtsho de ltar bgrang ba la zhugs pa'i byang chub sems dpa' sems dpa' chen po ni
17a2 sems can thams cad kyi gnod pa bzod de mi skyo mi khro'o/ /de gnod pa gsum bzod de/ gsum gang zhe na/ lus kyi gnod pa dang / ngag gi gnod pa dang / sems kyi gnod pa'o/ /blo gros rgya mtsho de la
17a3 byang chub sems dpa'i lus kyi gnod pa bzod pa gang zhe na/ gang yan lag dang nying lag rnams bcad kyang chos nyid la rton te gang de'i lus gcod pa'i sems can de nyid la lta ba'o/ /blo gros rgya mtsho de la
17a4 thabs la mkhas pa'i byang chub sems dpa'i lus gcod pa na pha rol du phyin pa drug bsgom pa yongs su rdzogs par 'gyur ro/ /blo gros rgya mtsho ji ltar na thabs la mkhas pa'i byang chub sems dpa'i
17a5 lus gcod pa na pha rol tu phyin pa drug bsgom pa yongs su rdzogs par 'gyur zhe na/ gang lus 'dor ba dang lus yongs su gtong ba dang lus la mi lta ba 'di ni de'i sbyin pa'i pha rol du phyin pa'o/ /gang
17a6 lus gcod pa na sems can thams cad la byams pas khyab par byed pa dang / tshor ba rnams kyis mi 'phrogs pa 'di ni de'i tshul khrims kyi pha rol tu phyin pa'o/ /gang lus yongs su gcod pa na
17a7 gang dag de'i lus gcod pa de dag nyid rab tu thar bar bya ba'i phyir bzod cing sems kyi rma mi phyin te/ bzod pa'i stobs nye bar ston pa 'di ni de'i bzod pa'i pha rol tu phyin pa'o/ /brtson 'grus
17a8 g ang gis thams cad mkhyen pa nyid la 'dun pa mi 'dor zhing sems kyi stobs bskyed pa yang rab tu 'dzin la 'khor ba nyid du mtshams kyang sbyor zhing dge ba'i rtsa ba brtsam pa yang rtsom pa 'di ni de'i brtson 'grus
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo