| e-texts navigator |
| བོད་ཡིག |
15a1 gzhar yang gos mi 'gyur/ /de ste nam mkha' nyon mongs bya bar nus/ /de la rjes kyang bstan par nus srid kyi/ /rang bzhin 'od gsal rdzogs pa'i byang chub sems/ /de ni nam yang
15a2 nyon mongs byar mi nus/ /thams cad mkhyen pa'i sems rin po che yongs su sbyang ba'i le'u ste dang po'o// // 'phags pa blo gros rgya mtshos zhus pa/ bam po gnyis pa/
15a3 blo gros rgya mtsho thams cad mkhyen par sems bskyed pa rin po che de'i gnod pa bzod pa ni ji lta bu/ thams cad mkhyen par sems bskyed pa rin po che de'i gnod pa ni gang zhe na/ blo gros rgya mtsho 'di la byang chub
15a4 sems dpa' sems dpa' chen po thams cad mkhyen par sems bskyed pa rin po che de ltar bskyed nas/ 'phags pa ma yin pa tshul khrims 'chal pa'i sems can rnams sam/ bdud rnams sam/
15a5 bdud kyi ris kyi lha rnams sam/ bdud kyi byin gyis brlabs pa rnams sam/ bdud kyi pho nya rnams kyis gtses sam/ rnam par gtses sam/ bskyod dam/ kun du bskyod dam/ dkrugs sam/
15a6 kun du dkrugs sam/ bsdigs sam/ brdegs kyang byang chub tu bsam pa'i sems bskyed pa de las mi phyed pa dang / sems can thams cad rab tu thar bar bya ba'i snying rje chen pos brtson 'grus
15a7 brtsams pa las mi phyed pa dang / dkon mchog gsum gyi rigs mi 'chad par bya bar brtson pa las mi phyed pa dang / sangs rgyas kyi chos thams cad yang dag par bsgrub pa'i dge ba'i rtsa ba la sbyor ba
15a8 las mi phyed pa dang / mtshan dang dpe byad bzang po yongs su 'grub par 'gyur ba'i bsod nams kyi tshogs bsags pa las mi phyed pa dang / sangs rgyas kyi zhing yongs su sbyang ba mngon par bsgrubs pa'i
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo