rKTs

e-texts navigator

Volume

Page

14a₁ rlom sems med pas me dang metshungs/ /gnas med rgyu bas rtag tu rlung dang 'dra/ /shin du dri ma med pas mkha' mnyam sems/ /rab tu byung bas sangs rgyas bstan pa rnyed/ /lus ni dben zhing zhi bas
14a₂ dgon par dga'/ /sems dben pas ni chos kyi mchog la spyod/ /dge ba bden par smra dang yang dag smra/ /ji skad smras pa de ni de bzhin byed/ /nyon mongs mi rdzi dge la dpa' bo mchog /shin du bslabs pas bslab pa
14a₃ yang dag 'dzin/ /de la lhod pa nam yang yod ma yin/ /kha na ma tho chung la 'ang rtag tu 'jigs/ /byang chub mchog rgyu'i tshul khrims nyams pa med/ /yon tan dkar spyod tshul khrims 'dres pa med/ /dge ba'i bshes
14a₄ gnyen sten cing sdig pa min/ /rdzogs pa'i byang chub sems dpa' bya phyir brtan/ /de ltar de yi mig ni dri med kyis/ /'jig rten kun la 'od zer mnyam par lta/ /mkhas pa de ni sna tshogs sgra thos nas/ /dga'
14a₅ med rangs pa med cing zhum pa med/ /blo ldan de ni sgra yi don rtogs shes/ /de'i rna ba de ltar rnam dag nyid/ /sna yis dri dang lce yis ro rnams dang / /lus kyis reg dang yid kyis/ chos rnams la/ /reg gnas ma
14a₆ khengs ma dud zhum pa med/ /de ltar de yi dbang po dag pa nyid/ /chags pas mi chags sdang bas sdang ba med/ /gti mug ma rmongs mi sdug gnas pa can/ /byams la dga' zhing rkyen gyis chos sems pa/ /
14a₇ 'di ni thams cad mkhyen pa'i sems sbyong yin/ /sgrib pa lnga po dag gis bsgribs pa med/ /de ltar des ni dbang po lnga yang bsgoms/ /de ni gang du'ang sgrib med bcings pa'ang med/ /stobs rnams lnga po dag la
14a₈ rab tu gnas/ /kun nas ldang ba shes shing byung ba nyid/ /tshul bzhin ma yin spangs shing tshul bzhin gnas/ /dran pa nye bar gzhag pa bzhi la sten/ /yang dag spong dang rdzu 'phrul rkang par ldan/ /byang chub

_{iiif viewer powered by OpenSeadragon}

13b - 14b

Texts on this page