| e-texts navigator |
| བོད་ཡིག |
13b1 chog shes pa dang tshig mnyen dang / /bla ma rnams la rtag tu 'dud byed dang / /rtsod brdzun nga rgyal spangs dang stobs ldan dang / /brnyas dang log pa nam yang byed ma yin/ /sems ni nges sems mngon
13b2 pa'i nga rgyal bral/ /rnyog pa med cing rab tu dang lags la/ /bdag shes pa la rim gyis 'jug par byed/ /gzhan la mi brnyas sems can rjes su srung / /chos la gus par dga' zhing gus
13b3 dang bcas/ /bsgrims te nyon mongs rnams ni spong bar byed/ /chos don gnyer zhing chos la rton par byed/ /rtag tu chos don gzhol zhing 'bab par byed/ /chos la brtson zhing nyon mongs med pa bsgoms/ /
13b4 chos min spangs shing chos rnams yongs su tshol/ /dkon mchog gsum la dad pa mi phyed ldan/ /'di ni thams cad mkhyen pa'i sems sbyong yin/ /rtag tu 'dzem dang ldan zhing nyes spyod ldog /
13b5 de bzhin gshegs pa kun la ngo tshas sdom/ /khrel yod ldan zhing 'dir ni dbang po bsdams/ /'di ni thams cad mkhyen pa'i sems sbyong yin/ /rab tu sbyor bas las kyi bya bar 'jug /bag yod
13b6 pas na mtha' gnyis 'dzin mi byed/ /mkhas pa sten pa'i chos rnams rjes rtogs pa/ /'di ni thams cad mkhyen pa'i sems sbyong yin/ /spyod lam gyis ni drang ba'i dngos dang ldan/ /khengs pa med
13b7 pas rtag tu mnyen pa nyid/ /zhi gnas cho ga ldan pas rgod pa med/ /'di ni thams cad mkhyen pa'i sems sbyong yin/ /blo ni rab tu brtan pas nyams pa med/ /lhag mthong la ni ri rgyal ji bzhin
13b8 te/ /dam bcas brtan zhing bar skabs nyams pa med/ /'di ni thams cad mkhyen pa'i sems sbyong yin/ /sdug bsngal bde bas mi g.yos sa dang mtshungs/ /bsam pa dag pas chu ltar dri ma 'khru/ /rtag tu
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo