| e-texts navigator |
| བོད་ཡིག |
13a1 pa yin/ dbang po sbas pa'i phyir nang nye bar zhi ba yin/ skyon shin du mthong ba'i phyir phyi rol nye bar zhi ba yin/ sdig pa thams cad mi byed pa'i phyir 'khor bas skrag pa yin/ dge ba'i
13a2 rtsa ba sogs pas mi ngoms pa'i phyir yid yongs su mi skyo ba yin/ chu bo bzhi las bsgral ba'i phyir chos kyi gru chen po yang dag par sbyor ba yin/ pha rol du 'gro ba'i phyir stegs dang zam pa shin du bcas
13a3 pa yin/ thang la shin du gnas pa'i phyir 'dam dang 'obs las brgal ba yin te/ blo gros rgya mtsho de ltar byang chub sems dpa' sems dpa' chen po gang gi tshe chos 'di lta bu de dag gis dag pa dang / yongs su
13a4 dag pa dang / sbyin pa 'phags pa dang / tshul khrims yongs su dag pa de ni thams cad mkhyen par sems bskyed pa rin po che de sbyong ba'o/ /de nas de'i tshe bcom ldan 'das kyis tshigs su bcad pa 'di dag gsungs
13a5 so/ /lus dang ngag rnams dang ni yid bsdams shing / /rnam par dag pa'i las lam bcu la slob/ /byams pas sems can kun la yang dag lta/ /'di ni thams cad mkhyen par sems sbyong yin/
13a6 snying rje ldan pas gzhan gyi bya bar brtson/ /dga' dang ldan pas chos la pha rol sbyor/ /btang snyoms ldan pas chos mchog 'tshe ba med/ /'di ni thams cad mkhyen pa'i sems sbyong yin/ /rtag tu
13a7 drang zhing g.yo ni rnam par spangs/ /gzhan la phan byed sdig pa rnam par spangs/ /lhag bsam dge ba ci yod rjes su 'jug / 'di ni thams cad mkhyen pa'i sems sbyong yin/ /shes rab rab
13a8 'jug dran dang shes bzhin can/ /sems rab dul bas sems ni las su rung / /sbyangs pa'i yon tan rnams dang gso sla ba/ /'di ni thams cad mkhyen pa'i sems sbyong yin/ /'phags rig
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo