| e-texts navigator |
| བོད་ཡིག |
128b1 'di yongs su gtad/ bcom ldan 'das kyis bka' stsal pa/ blo gros rgya mtsho dge slong kun dga' bo rang gi blo'i stobs bskyed pas mdo sde 'di lta bu 'dzin pa ma yin gyi/ de bzhin gshegs pa'i byin gyis brlabs
128b2 kyis 'dzin to/ /blo gros rgya mtsho sems can gang dag dge slong kun dga' bo las chos kyi rnam grangs 'di thos na dga' ba dang / dad pa dang / mchog tu dga' ba thob par 'gyur ba yod de/ de dag 'di snyam du 'di
128b3 lta ste/ de bzhin gshegs pa'i byin gyis brlabs kyis 'di ltar nyan thos kyang 'di lta bu'i mdo sde 'di 'dzin cing ston pa ni/ de bzhin gshegs pa'i byin gyi brlabs ci tsam du bsam gyis mi khyab pa
128b4 ngo mtshar to snyam du sems par 'gyur ro/ /de nas 'khor de las lha dang mi kha cig 'di snyam du sems te/ ci byang chub sems dpa' blo gros rgya mtsho 'di dran pa rab tu ldan pa yin gyi/ gang bcom ldan
128b5 'das kyis mang du thos pa'i mchog tu bstan pa'i tshe dang ldan pa kun dga' bo ni de lta ma yin no snyam mo/ /de nas tshe dang ldan pa 'od srung chen pos 'khor de'i sems kyi rnam par rtog pa sems kyis shes
128b6 nas 'khor gyi sems can rnams la rnam par bltas te/ bcom ldan 'das la 'di skad ces gsol to/ /bcom ldan 'das byang chub sems dpa' blo gros rgya mtsho 'di rab tu dran pa dang ldan pa lags kyi
128b7 gang bcom ldan 'das kyis mang du thos pa rnams kyi mchog tu bstan pa tshe dang ldan pa kun dga' bo ni ma lags sam/ bcom ldan 'das kyis bka' stsal pa/ 'od srung gang gA'i klung gi bye ma snyed kyi sangs
128b8 rgyas kyi zhing dag na sems can ji rtsam du bsdu bar bsdus pa'i sems can gyi khams ni rab tu mang gi sa'i khams ni de lta ma yin no/ /zhes gang de skad du bya ba de la ji snyam du sems/ 'od srungs sems
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo