rKTs

e-texts navigator

Volume

Page

127a₁ sems su 'gyur ba dang / dbang po nyams pa med pa dang / gcig la gcig mi gnod par gnas pa dang / chos dang chos smra ba la ston pa dang / bla ma ltar phangs par sems pa dang / thal mo sbyar ba
127a₂ dang sems rtse gcig pa dang / mi g.yeng bar yid la byed pa dang / rus shing ltar byed pa dang / yid la byed pa dang / sems thams cad kyis sems pa dang / rna ba blags te nyan pa dang / chos smra ba de yang sngon lung ma
127a₃ mnos pa dang / sngon ma thos pa'i chos rnams kyang mngon du 'gyur ba ste/ 'khor der mi mjed kyi bdag po tshangs pa 'ongs par rig par bya'o/ /de nas mi mjed kyi bdag po tshangs pa 'khor de nyid du 'dus par gyur te
127a₄ 'dug pa des/ bcom ldan 'das la 'di skad ces gsol to/ /bcom ldan 'das bdag tshangs pa'i 'jig rten du gnas te/ bsam gtan dang tshad med pa'i bde ba la gnas pa bor la gang na chos kyi rnam grangs 'di
127a₅ ston pa'i 'khor der mchi bar bgyi'o/ /chos smra ba de la yang chos brgyad bsgrubs par bgyi'o/ /brgyad gang zhe na/ ji ltar thos pa'i chos mi bskyud par bgyi ba'i slad du de la dran pa bsgrub par bgyi/ chos zab mo rtogs par bgyi
127a₆ ba'i slad du de la blo gros bsgrub par bgyi/ don gyi rnam par rtogs par bgyi ba'i slad du de la rtogs pa bsgrub par bgyi/ the tsom thams cad gcad pa'i slad du de la spobs pa bsgrub par bgyi/ skad dang nges pa'i tshig thams cad kyis
127a₇ yongs su tshim par bgyi ba'i slad du de la lung bstan pa phun sum tshogs pa bsgrub par bgyi/ 'khor thams cad zil gyis mi non par bgyi ba'i slad du de la 'dul ba bsrung ba bsgrub par bgyi/ mi dman par lung bstan pa'i
127a₈ slad du de la chos kyi snang ba bsgrub par bgyi/ de bgyid cing chos bsgrub pa'i slad du de la nges par 'byung ba'i sgo bsgrub par bgyi ste/ bcom ldan 'das chos smra ba de la chos brgyad po 'di dag bsgrub par bgyi'o/ /chos smra ba

_{iiif viewer powered by OpenSeadragon}

126b - 127b

Texts on this page