rKTs

e-texts navigator

Volume

Page

126b₁ swa d+harma tsa ra NA~M/ ku ru sa d+harma pa ri grA ha Na/ kri ta ma nu bA la ya/ bud+d+ha ni/ ti ma ma bya ba tshe ba si sma ra ta/ d+harma tsakra pra brta nA~M/ ku ru sa twa bi shod+ha nA~M/ pra ti gri ha na/ d+harmA nA ga ra mA lA nA~M/ bud+d+ha a d+hiSh+ThA nA~M/ ma bi ka u pa
126b₂ ya/ blo gros rgya mtsho mi mjed kyi bdag po tshangs pa dgug pa'i sngags pa'i tshig 'di dag chos smra ba des legs par kha gton du byas la tshangs pa'i lam la shin tu gnas te/ zhe 'gras pa med pa'i/
126b₃ sems kyi rgyud dang / dbang po shin tu sbas pa dang / shin tu bsrungs pa'i dran pa dang / shin tu dkar ba'i phyag rgya dang / shin tu yongs su dag pa'i lus kyi las dang / shin tu dben pas zin pa'i ngag gi
126b₄ las dang / shin tu brtan pa'i blo dang / legs par byas pa'i bzod pa'i las dang / shin tu yongs su sbyangs pa'i tshul khrims kyi phung po dang / legs par brtsams pa'i brtson 'grus kyi stobs dang /
126b₅ shin tu bsten pa'i mang du thos pa dang / shin tu yongs su bsgoms pa'i sems las su rung ba dang / shin tu rno ba'i shes rab kyi dbang po dang / shin tu brtson pa'i yang dag pa'i sbyor ba dang / byang chub kyi sems
126b₆ kyis legs par zin pa dang / shin du yongs su bsgoms pa'i byams pa dang / shin tu brtan pa'i snying rje chen pos sems can thams cad kyi bde ba yang dag par skyed pa dang / sems can thams cad sdug
126b₇ bsngal las shin tu yongs su dgrol ba'i phyir seng ge'i khri la 'dug ste/ mi mjed kyi bdag po tshangs pa bsams la chos kyi gtam yang dag par rab tu brjod na/ des bsams ma thag tu tshangs pa
126b₈ tshangs ris kyi lha'i bu rnams dang lhan cig tu 'ong bar 'gyur ro/ /blo gros rgya mtsho de la tshangs pa 'ong bar 'gyur ba'i ltas ni 'di lta bu 'di dag 'byung bar 'gyur te/ 'di lta ste/ 'khor thams cad byams pa'i

_{iiif viewer powered by OpenSeadragon}

126a - 127a

Texts on this page