rKTs

e-texts navigator

Volume

Page

125a₁ par 'gyur ro/ /der chos smra ba des sngags kyi tshig 'di dag legs par kha ton du byas la gtsang ba dang / gtsang sbra'i cho gas khrus legs par byas te/ gos bzang po bgos la/ shar phyogs su me tog gtor te/
125a₂ sangs rgyas thams cad bsam pa'i dran pa dang / sems can thams cad la snying rje chen po dang rab tu ldan pas seng ge'i khri la 'dug ste lha'i dbang po brgya byin bsams la/ kau shi ka 'khor legs par
125a₃ yongs su gzhag pa'i phyir tshur shog / sngags kyi grub pa mngon sum du gyis shig ces brjod na/ de'i bsam pa shin tu rnam par dag cing yongs su dag la tshul khrims yongs su dag pas bsams ma thag tu lha'i
125a₄ dbang po brgya byin 'ongs nas 'khor yongs su 'jog par 'gyur/ sngags kyi grub pa yang nye bar bsgrub par 'gyur ro/ /de nas lha'i dbang po brgya byin 'khor de nyid du 'dus par gyur te/ 'dug pa des bcom ldan 'das
125a₅ la 'di skad ces gsol to/ /bcom ldan 'das chos kyi rnam grangs 'di yongs su gzung ba dang / yun ring du gnas par bgyi ba'i slad du bdag chos smra ba de'i drung du mchi bar bgyi/ de'i 'khor kyang yongs su gzhag
125a₆ par bgyi/ sngags kyis grub pa yang nye bar bsgrub par bgyi'o/ /bcom ldan 'das bdag gis chos kyi rnam grangs 'di sum bcu rtsa gsum gyi lha rnams la rgya cher yang dag par rab tu bshad par bgyi'o/ /de ci'i slad
125a₇ du zhe na/ bcom ldan 'das 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub sems dpa'i spyod pa 'di las bstan pa'i slad du'o/ /bcom ldan 'das bdag gis 'das pa dang /
125a₈ ma byon pa dang / da ltar byung ba'i sangs rgyas bcom ldan 'das rnams kyi chos la gus par bgyis te/ chos kyi rnam grangs 'di rgya cher yang dag par rab tu bstan par bgyi'o/ /de nas bcom ldan 'das kyis lha'i dbang po brgya

_{iiif viewer powered by OpenSeadragon}

124b - 125b

Texts on this page