rKTs

e-texts navigator

Volume

Page

124a₁ tu sems dpa' rnams la bdud kyi las byed pa de nyid/ sangs rgyas kyi phrin las su brjod kyi bdud kyi las ni ma yin pa de ltar rig par bya'o/ /sangs rgyas kyi zhing kun tu bstan pa dang / bdud kyi cho 'phrul bstan pa 'di bshad pa na 'khor
124a₂ de las srog chags nyis khris bla na med pa yang dag par rdzogs pa'i byang chub tu sems bskyed do/ /bdud kyi 'khor de las kyang bdud kyi bu khri bla na med pa yang dag par rdzogs pa'i byang chub tu sems bskyed nas mgrin gcig tu bcom ldan 'das
124a₃ bdag cag 'jig rten gyi khams bde ba thams cad kyis/ rgyan pa der skye bar gyur cig ces tshig de skad ces smras pa dang / bcom ldan 'das kyis kyang de dag sangs rgyas kyi zhing der skye bar lung bstan to/ /sangs rgyas kyi zhing kun tu bstan pa'i le'u ste
124a₄ bcu gcig pa'o/ / // de nas bcom ldan 'das la byang chub sems dpa' blo gros rgya mtshos 'di skad ces gsol to/ /bcom ldan 'das de bzhin gshegs pa rnam kyi byang chub 'di ni bar chad mang ba phyir rgol ba mang ba lags na/ gang 'di lta bu'i mdo sde 'di dag
124a₅ de bzhin gshegs pa'i byin gyi brlabs kyis nub par mi 'gyur zhing rgyas par 'gyur ba dang / gang dag 'dzin pa dang klog pa dang / ston pa de dag la yang bdud dam bdud kyi ris kyi lha rnams kyis glags rnyed par mi 'gyur ba dang / dam pa'i chos yun ring du gnas
124a₆ pa dang mdo sde 'di lta bu 'di dag kyang kun tu bsrung ba dang sba ba dang / yongs su gzung ba'i slad du/ bcom ldan 'das de bzhin gshegs pas legs par byin gyis brlab tu gsol/ de skad ces gsol pa dang / bcom ldan 'das kyis byang chub sems dpa'
124a₇ blo gros rgya mtsho la 'di skad ces bka' stsal to/ /blo gros rgya mtsho sems can gang dag mdo sde 'di lta bu 'di dag 'dzin pa dang / ston par 'gyur zhing 'dod pa brtson 'grus brtsams pa/ dge ba'i rtsa ba bskyed pa de dag 'dul ba'i dbang nye bar gzung ste chos
124a₈ kyi rnam grangs 'di byin gyis brlabs zin to/ /blo gros rgya mtsho de'i phyir legs par rab tu nyon la yid la zung shig dang / tshig gang dag gis rgyal po chen po bzhi dag bkug nas chos kyi rnam grangs 'di kun tu bsrung ba dang / chos smra ba de dag kyang

_{iiif viewer powered by OpenSeadragon}

123b - 124b

Texts on this page