| e-texts navigator |
| བོད་ཡིག |
123a1 bka' stsal pa/ grogs po dag me tog 'di dag ni bde ba thams cad kyis brgyan pa'i 'jig rten gyi khams de nas 'ongs te/ byang chub sems dpa' de dag gis nga la mchod pa'i las kyi
123a2 phyir gtor to/ /gsol pa bcom ldan 'das bdag cag gis bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa bdud rab tu 'jom pa de dang / bdud
123a3 sdig can 'jig rten gyi khams de na ci bgyid pa blta bar bgyi'o/ /de nas bcom ldan 'das kyis 'khor des gsol ba btab pa mkhyen nas/ byang chub sems dpa' blo gros rgya mtsho la bka' stsal pa/
123a4 rigs kyi bu khyod kyis bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa bdud rab tu 'jom pa de dang / bdud sdig can de 'khor 'di la ston cig /de nas
123a5 bcom ldan 'das kyis skabs phye bas byang chub sems dpa' blo gros rgya mtshos sor mo bcu las 'od zer stong phrag phyung nas/ 'od zer de dag gis sangs rgyas kyi zhing gang gA'i klung bcu gnyis kyi bye ma snyed
123a6 pa de dag las 'das nas bde ba thams cad kyis brgyan pa'i 'jig rten gyi khams snang ba chen pos khyab par gyur to/ /der thams cad dang ldan pa'i 'khor des bde ba thams cad kyis brgyan pa'i 'jig rten
123a7 gyi khams de dang / bcom ldan 'das de bzhin gshegs pa bdud rab tu 'jom pa de dang / bdud sdig can chos kyi khri chen po la 'dug ste 'dus pa chen po'i le'u'i gtam rgya cher yang dag par rab tu ston pa
123a8 yang mthong ngo / /mthong nas kyang thams cad dang ldan pa'i 'khor de ngo mtshar du gyur nas rang rang gi pad ma'i stan las langs te/ bcom ldan 'das de bzhin gshegs pa bdud rab tu 'jom pa de la phyag 'tshal
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo