| e-texts navigator |
| བོད་ཡིག |
122b1 de dag blta bar bgyi'o/ /de nas bcom ldan 'das de bzhin gshegs pa bdud rab tu 'jom pas mdzod spu nas/ gzugs thams cad ston pa zhes bya ba'i 'od zer phyung ste/ 'od zer phyung ba des sangs rgyas kyi zhing gang gA'i
122b2 klung bcu gnyis kyi bye ma snyed de dag las 'das te 'jig rten gyi khams mi mjed 'di snang ba chen pos khyab par gyur to/ /der byang chub sems dpa' de dag gis bcom ldan 'das de bzhin gshegs pa shAkya thub pa rin po
122b3 che bkod pa'i 'khor gyi khyams na bskal pa brgyar yang bsngags pa'i mthar mi phyin pa'i seng ge'i khri chen po la bzhugs te/ phyogs bcu'i 'jig rten gyi khams nas 'dus pa'i byang chub sems dpa' rnams
122b4 la 'dus pa chen po'i le'u'i chos kyi rnam grangs rgya cher yang dag par rab tu ston pa dang / byang chub sems dpa' blo gros rgya mtsho yang mthong ngo / /'jig rten gyi khams mi mjed chus yongs su gang ba'i rgya mtsho gcig lta bur
122b5 gnas pa 'di yang mthong ngo / /de nas sgrib pa ci yang med par mthong ngo / /phyogs bcu'i 'jig rten gyi khams nas 'dus pa'i byang chub sems dpa' rgyang grags kyi tshad tsam gyi rin po che'i pad ma dag la 'khod cing chos nyan pa de
122b6 dag kyang mthong ngo / /mthong nas kyang tshim zhing mgu la yid rangs shing rab tu dga' ste/ dga' ba dang / yid bde ba skyes nas bcom ldan 'das de bzhin gshegs pa shAkya thub pa ga la ba de logs su me tog gtor to/ /
122b7 gtor ma thag tu sangs rgyas kyi mthus 'ongs nas/ bcom ldan 'das shAkya thub pa'i spyi gtsug gi mtshams su me tog gi gdugs chen por gyur to/ /der thams cad dang ldan pa'i 'khor des me tog gi gdugs
122b8 de mthong nas ngo mtshar du gyur te/ bcom ldan 'das la 'di skad ces gsol to/ /bcom ldan 'das gang me tog gi gdugs 'di lta bur gyur pa'i me tog 'di dag gang nas mchis/ bcom ldan 'das kyis
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo