| e-texts navigator |
| བོད་ཡིག |
117a1 'tshang rgya bar mi nus so zhes mchi la/ bcom ldan 'das de la byang chub sems dpa' gang sgyid lug nas 'bras bu thob par bgyid pa'i gnas mchis na/ bcom ldan 'das 'di ni byang chub sems dpa' dge ba'i bshes
117a2 gnyen ltar bcos pa'i bdud kyi lcags kyu ste bcu pa'o/ /bcom ldan 'das gzhan yang byang chub sems dpa' nga rgyal gyis khengs shing nga rgyal gyis rengs par gyur te/ de nga rgyal des bla ma rnams dang / sbyin gnas rnams
117a3 dang / pha ma dang / slob dpon dang / mkhan po rnams dang / de las gzhan pa bla ma lta bu'i gang zag rnams la kun du 'dud pa dang / 'dud pa dang / rab tu 'dud par mi bgyid cing de la ma gus par gyur pa dang / gang dag byang chub
117a4 sems dpa'i spyod pa rnams la mkhas pa/ khyad par thob pa/ gzungs dang spobs pa phun sum tshogs pa/ byang chub sems dpa'i bgyi ba thams cad tshar phyin pa de dag gi gan du mi mchi/ mi bsnyen/ mi bsten/ bsnyen
117a5 bkur mi bgyid/ yongs su mi 'dri/ yongs su 'drir mi stsol cing de ma thos pa'i chos nyan par mi bgyid/ thos pa'i chos rnams kyang yongs su dkar bar mi bgyid/ de las gzhan pa'i byang chub sems dpa'i theg pa pa'i
117a6 gang zag gang dag bdud kyi lcags kyus zin pa/ chos ngan pa la spyod pa de dag la dga' ba rnyed pa dang / de dag kyang de bzhin du de'i rjes su 'jug par gyur pa dang / de dman pa la sten cing / khyad par dang bral bas 'di lta ste
117a7 zhan pa'i 'gro ba/ blun pa/ 'on pa/ lkug pa'i 'gro ba/ 'gro ba dman pa nyid du mchi bar 'gyur ro/ /bcom ldan 'das 'di lta ste dper na/ skyes bu la la zhig gis gram pa'i sa phyogs su shing tsam pa ka bskrun la chab stsol bar
117a8 mi bgyid kyi/ gang nas chab mchi bar mthong ba'i phyogs der yang gor ma dang gyo mo dag gis bkum na/ bcom ldan 'das de ltar na zhugs shing tsam pa ka chab dang bral ba de la yal ga dang lo ma dang yal ga phre'u ma chags pa rnams kyang
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo