| e-texts navigator |
| བོད་ཡིག |
115a1 mnyan pa la brtson par mi gnas/ chos kyi 'bel ba'i bka' mchid dang don rnam par nges pa'i bka' mchid bgyi ba la rgyun dgum par sems te/ yongs su 'dri ba'i
115a2 rang bzhin can ma lags/ dge ba'i ci zhes tshol ba la mi brtson/ de dgon pa la gnas pa dang gcig pur dga' bas nyon mongs pa rnams kun tu mi rgyu ba ste/ de kun nas ldang ba gnon pa tsam
115a3 gyis dga' ba thob cing bag la nyal yang dag par gzhom pa'i slad du lam sgom par mi bgyid/ de de na bdag gi don dang gzhan gyi don gyi slad du brtson par mi 'gyur ba 'di dag ni/ bcom ldan
115a4 'das byang chub sems dpa'i dgon pa la gnas pa dang rab tu ldan pa'i bdud kyi lcags kyu ste bdun pa'o/ /bcom ldan 'das gzhan yang byang chub sems dpa' mang du thos par gyur te/
115a5 chos kyi gtam can ni tshig mnyan par 'os pa/ tshig bzung bar 'os pa/ snyan pa sna tshogs kyi gtam can dang spobs pa phun sum tshogs par gyur kyang de zang zing gi slad du chos ston te/
115a6 zang zing ma mchis pa'i sems kyis ma lags/ gang las de'i gos dang / zas dang / mal cha dang / na ba'i gsos sman dang / yo byad rnams mchi bar 'gyur ba de dag la chos ston
115a7 gyi sems can gang dag dad pa dang ldan zhing dang ba mang ba/ legs par bshad pa'i don 'tshal bar nus shing stobs dang ldan pa zang zing gis de rjes su 'dzin par mi bgyid pa de dag la chos mi ston pa
115a8 dang / gang dag de la bged par bgyid pa dman pa/ dman par gyur pa/ gti mug gi rang bzhin can/ chos rgya chen po'i snod du ma gyur pa de dag la chos ston pa dang / de zang
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo