| e-texts navigator |
| བོད་ཡིག |
111b1 rtog pa ma mchis pa ni sgrub pa ste/ gang 'gyur ba ma mchis pa dang rnam par rtog pa ma mchis pa ni sems can gyi sems kyi rang bzhin lags so/ /sems kyi rang bzhin yongs su 'tshal ba dang ldan pa ni sgrub pa
111b2 yang dag pa la gnas pa zhes bgyi'o/ /byang chub sems dpa' bsam pa legs par sems kyis gsol pa/ bcom ldan 'das byang chub sems dpas ni sems can thams cad kyi sems kyi rjes su
111b3 'jug par bgyi ste/ gang 'dir sems can thams cad kyi sems rnams kyang sems ma lags par sems 'tshal ba la 'jug pa 'di ni de'i sgrub pa yang dag pa lags so/ /byang chub sems dpa' zhi
111b4 ba'i blo gros kyis gsol pa/ bcom ldan 'das nye bar zhi ba ni sgrub pa lags te/ ma zhi ba la ni sgrub pa ma mchis so/ /bcom ldan 'das byang chub sems dpa' gang sems kyi dmigs pa thams cad
111b5 las zhi ba dang rab tu zhi ba dang / nye bar zhi ba de rtog pa dang spong bar mi bgyid de rtog pa dang spong ba dang bral ba mnyam pa nyid du rtogs pa 'di ni de'i sgrub pa yang dag pa lags so/ /byang chub sems dpa' ded dpon
111b6 bzang pos gsol pa/ bcom ldan 'das byang chub sems dpa' dge ba'i rtsa bas brtan pa ni sgrub pa thob par bgyid pa lags te/ dge ba'i rtsa bas ma brtan pa ni ma lags so/ /bcom ldan 'das byang
111b7 chub sems dpa' gang bsod nams kyi tshogs kyis kyang brtan ye shes kyi tshogs kyis kyang brtan te/ bsod nams mnyam pa nyid pas ye shes mnyam pa nyid ye shes mnyam pa nyid pas bsod nams mnyam
111b8 pa nyid/ bsod nams dang ye shes mnyam pa nyid pas byang chub mnyam pa nyid/ byang chub mnyam pa nyid pas chos thams cad mnyam pa nyid du khong du chud pa 'di ni de'i sgrub pa yang dag pa lags so/ /
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo