| e-texts navigator |
| བོད་ཡིག |
107b1 ma rgal ba bsgral ba dang / ma grol ba dgrol ba dang / dbugs ma phyin pa dbugs dbyung ba dang / yongs su mya ngan las ma 'das pa yongs su mya ngan las bzla ba'i phyir sems can thams cad dbugs phyung la mang
107b2 du thos pa dang / de las gzhan pa'i dge ba byang chub kyi phyogs kyi chos rnams la yang brtson par mi byed na/ byang chub sems dpa' de ni ji skad smras pa de bzhin byed pa ma yin te/ lha dang bcas pa'i 'jig rten la slu ba
107b3 yin no/ /de lta bu de sngon sangs rgyas mthong ba'i lha rnams kyis mthong na 'phya zhing gzhogs 'phyas byed la rnam par smod de/ gang dag mchod sbyin bya bar dam bcas pa nyams 'og tu chud par byed pa'i mchod sbyin gyi bdag
107b4 po byed pa de dag ni dkon no/ /de bas kyang gang dag mchod sbyin chen po de brtsams nas bla na med pa'i theg pa chen po la yongs su skyo bar mi 'gyur ba dag ni ches dkon no/ /blo gros rgya mtsho byang chub sems dpas gang
107b5 gis lha dang mi dang lha ma yin du bcas pa'i 'jig rten la slu bar 'gyur ba'i tshig brjod par mi bya'o/ /blo gros rgya mtsho gzhan yang la la zhig gis byang chub sems dpa' gang la chos kyi don bya bar gsol ba btab
107b6 la/ de la byang chub sems dpa' kho bos khyed kyi chos kyi don 'di yongs su thob par bya'o zhes tshig smras par gyur na/ byang chub sems dpas de la lus ni yongs su btang bar bya'i sems can slu bar ni mi bya'o/ /
107b7 blo gros rgya mtsho khyod kyis rnam grangs 'dis kyang 'di ltar rig par bya'o/ /blo gros rgya mtsho sngon byung ba'i 'das pa'i dus na bskal pa grangs med pa'i yang ches grangs med dpag tu med par gyur pa de'i tshe de'i
107b8 dus na/ seng ge'i rgyal po dar dkar lta bu'i ral pa can yan lag ma smad pa zhes bya ba sems can thams cad la byams pa'i rjes su zhugs pa rtsa ba dang lo ma dang me tog dang 'bras bu la mos pa zhig ri'i phug bgrod
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo