rKTs

e-texts navigator

Volume

Page

107a₁ pa yang dag par rdzogs pa'i byang chub myur du mngon par rdzogs par 'tshang rgya bar 'dod pa'i byang chub sems dpa' sems dpa' chen pos skyes bu dam pa khyod kyi rjes su bslab par bya ste/ byang chub
107a₂ sems dpas tshig tu bos shing tshig lhur blang bar mi bya'i byang chub sems dpas ji skad smras pa de bzhin du bya'o/ /ji ltar na byang chub sems dpa' ji skad smras pa de bzhin byed pa yin zhe na/ blo gros rgya
107a₃ mtsho sangs rgyas su 'gyur bar bya'o zhes bya ba'i tshig 'di ni brjod par sla'i/ dge ba byang chub kyi phyogs kyi chos rnams bsgrub pa ni dka' snyam pa'o/ /blo gros rgya mtsho byang chub sems dpa' gang la las chos
107a₄ kyi sbyin pas sems can thams cad 'gron du gnyer te/ kho bos sems can khyed chos kyi sbyin pas tshim par bya'o zhes byas la mang du thos pa dang / de las gzhan pa dge ba byang chub kyi phyogs kyi chos rnams
107a₅ la yang brtson par mi byed na de sems can de dag la slu ba yin te/ de ji skad smras pa de bzhin byed pa ma yin no/ /blo gros rgya mtsho gang gi tshe byang chub kyi phyogs kyi chos kyi sbyin pas sems can thams cad 'gron
107a₆ du gnyer te kho bos sems can khyod chos kyi sbyin pas tshim par bya'o zhes byas la mang du thos pa dang / de las gzhan dge ba byang chub kyi phyogs kyi chos rnams la yang brtson par byed pa 'di ni byang chub sems
107a₇ dpas ji skad smras pa de bzhin byed pa yin no/ /blo gros rgya mtsho 'di lta ste dper na/ rgyal po 'am rgyal po'i blon pos grong khyer gyi skye bo thams cad la sang zan sbyin no zhes 'gron du bos la yal bar bor te/
107a₈ bza' ba dang btung ba ma sbyar na des skye bo'i tshogs de thams cad bslus pa yin te/ de dag kyang bza' ba dang / btung ba'i zas ma thob pas 'phya zhing slar 'ong ba de bzhin du/ blo gros rgya mtsho byang chub sems dpas

_{iiif viewer powered by OpenSeadragon}

106b - 107b

Texts on this page