rKTs

e-texts navigator

Volume

Page

105b₁ med par rab tu byung ngo / /de rab tu byung bar rig nas rgyal po'i btsun mo'i 'khor kyang rab tu byung ngo / /de dag rab tu byung bar rig nas rgyal bu gzhon nu rnams kyang rab tu byung ngo / /de dag rab tu byung bar rig nas rgyal
105b₂ po'i bu mo gzhon nu ma rnams kyang rab tu byung ngo / /de dag rab tu byung bar rig nas rgyal po'i yul na gnas pa'i srog chags bye ba khrag khrig brgya stong phrag dgu bcu rtsa dgu yang rab tu byung ngo / /de ltar de dag rab tu
105b₃ byung nas dge ba'i rtsa ba'i chos tshol ba la yongs su brtson pa'i brtson 'grus brtsams te gnas so/ /blo gros rgya mtsho sems can bsod nams byas pa thams cad kyi gnas su gyur pas ji tsam du bcom ldan 'das de'i gsung
105b₄ rab mdzes par gyur pa la ltos/ blo gros rgya mtsho de nas rgyal po chen po yul shin du rnam par dag pa de ltar rab tu byung nas bcom ldan 'das de bzhin gshegs pa 'od zer snang ba mtha' yas de ga la ba der song
105b₅ ste phyin nas bcom ldan 'das de la 'di skad ces gsol to/ /bcom ldan 'das bdag gang la sgrub pa snying por bgyid par gnas shing don mchis par yul 'khor gyi bsod snyoms yongs su 'tshal bar 'gyur
105b₆ ba'i gdams ngag dang rjes su bstan pa bdag la stsal du gsol/ de skad ces gsol pa dang / bcom ldan 'das des dge slong yul shin du rnam par dag pa la 'di skad ces bka' stsal to/ /dge slong
105b₇ khyod kyi ming ni yul shin du rnam par dag pa zhes bya'o/ /khyod song la rang gi yul rnam par dag par bya ba'i phyir brtson par gyis shig /rang gi yul la tshul bzhin gyis so sor rtogs shig /ci nas kyang
105b₈ yul drug po dag gi nang nas chos gang khyod la snang bar 'gyur ba de nyid yang dag pa ji lta ba bzhin du yang dag par rdzogs pa khong du chud pas byang chub mthong bar 'gyur ba de ltar so sor rtogs shig / byang chub

_{iiif viewer powered by OpenSeadragon}

105a - 106a

Texts on this page