rKTs

e-texts navigator

Volume

Page

103b₁ kyang mi 'dor ba rnams yin/ sangs rgyas kyi ye shes la yang lta la rang gi shes pas kyang zhum pa med pa rnams yin/ chos kyi 'khor lo rab tu skor ba la yang lta la ji ltar thos pa'i chos bstan pas kyang yongs su mi skyo
103b₂ ba rnams yin/ yongs su mya ngan las 'das pa chen po la yang lta la tshe dang / 'chi 'pho dang / skye ba la yang mi smod pa rnams yin te/ rgyal po chen po byang chub sems dpa' sems dpa' chen po chos bzhi po
103b₃ de dag dang ldan na rgyang ring du yang lta zhing rtsa ba yang ma chad pa rnams yin no/ /rgyal po chen po byang chub sems dpa' sems dpa' chen po chos bzhi dang ldan na yul yang 'byor la bag yod pa yang mi 'dor ba rnams
103b₄ yin no/ /bzhi gang zhe na/ mi yongs su smin par bya ba'i phyir 'khor los sgyur ba'i rgyal por yang gyur la 'du byed la mi rtag par so sor rtog pas yul 'byor kyang bag med par mi 'gyur ba rnams yin/ lha yongs
103b₅ su smin par bya ba'i phyir lha rnams kyi dbang po brgya byin du yang 'gyur la 'du byed la sdug bsngal bar so sor rtog pas yul 'byor kyang bag med par mi 'gyur ba rnams yin/ bdud kyi ris kyi lha yongs su smin par bya ba'i
103b₆ phyir bdud nyid du yang nye bar ston la chos la bdag med par so sor rtog pas yul 'byor kyang bag med par mi 'gyur ba rnams yin/ tshangs ris kyi lha yongs su smin par bya ba'i phyir tshangs pa dbang bsgyur du yang gyur la
103b₇ mya ngan las 'das pa la zhi bar rtog pas yul 'byor kyang bag med par mi 'gyur ba rnams yin te/ rgyal po chen po byang chub sems dpa' sems dpa' chen po chos bzhi po de dag dang ldan na yul yang 'byor
103b₈ la bag yod pa yang mi 'dor ba rnams yin no/ /rgyal po chen po byang chub sems dpa' sems dpa' chen po chos bzhi dang ldan na don zab mo'i tshul la mi skrag pa rnams yin no/ /bzhi gang zhe na/ yang dag pa'i

_{iiif viewer powered by OpenSeadragon}

103a - 104a

Texts on this page