rKTs

e-texts navigator

Volume

Page

102b₁ dpa' yang dag pa rnams shes bgyi/ de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od zer snang ba mtha' yas des rgyal po yul
102b₂ shin du rnam par dag pa la 'di skad ces bka' stsal to/ /rgyal po chen po de'i phyir legs par rab tu nyon la yid la zung shig dang bshad do/ /rgyal po chen po byang chub sems dpa' sems dpa' chen po
102b₃ chos bzhi dang ldan na theg pa chen po la gzhan gyi dring mi 'jog pa rnams yin no/ /bzhi gang zhe na/ mos pa las nges par byung ba'i dad pa 'phags pa 'jig rten las 'das pa dang / phyir mi ldog pa'i brtson 'grus
102b₄ 'bar bas sems can yongs su smin par bya ba la brtson pa dang / shin du rnam par brtags pa'i blos mngon par shes pa'i ye shes kyis rnam par rtsen pa dang / so so yang dag par shes pa dang ldan pa'i shes rab
102b₅ kyis chos nges par rtogs pa'i mtshan nyid de/ rgyal po chen po byang chub sems dpa' sems dpa' chen po chos bzhi po de dag dang ldan na theg pa chen po la gzhan gyi dring mi 'jog pa rnams yin no/ /rgyal po
102b₆ chen po byang chub sems dpa' sems dpa' chen po chos bzhi dang ldan na khyad par du 'gro bas de la ma chags pa rnams yin no/ /bzhi gang zhe na/ sems las su rung bas bsam gtan las ldog pa la
102b₇ mkhas pa rnams yin/ gzhan la bde ba rab tu sbyin pas bdag bde ba la mi chags pa rnams yin/ snying rje chen po la rab tu gnas shing byams pa chen po la gnas pa rnams yin/ gong nas gong ma'i khyad par 'dod
102b₈ pas rgya chen po la mos pa rnams yin te/ rgyal po chen po byang chub sems dpa' sems dpa' chen po chos bzhi po de dag dang ldan na/ khyad par du 'gro bas de la ma chags pa rnams yin no/ /rgyal po chen po byang chub

_{iiif viewer powered by OpenSeadragon}

102a - 103a

Texts on this page