rKTs

e-texts navigator

Volume

Page

102a₁ su spyad pa'i khang pa brtsegs pa sa ya byas so/ /blo gros rgya mtsho de ltar rgyal po yun shin du rnam par dag pa las gang gzhan mi byed par rgyun du tshangs par spyad pa yang dag par blangs/ bslab pa'i
102a₂ gnas lnga yongs su bzung ste/ btsun mo'i 'khor dang bcas rang gi skye bo dang bcas g.yog 'khor dang bcas pas bar gyi bskal pa gnyis su bcom ldan 'das de la bsnyen bkur byas nas bar gyi bskal pa de gnyis
102a₃ 'das pa dang / bcom ldan 'das de bzhin gshegs pa 'od zer snang ba mtha' yas de ga la ba der song ste phyin nas bcom ldan 'das de'i zhabs la mgo bos phyag 'tshal te lan bdun bskor ba byas nas
102a₄ phyogs gcig tu 'dug go/ /phyogs gcig tu 'dug nas kyang rgyal po yul shin du rnam par dag pas bcom ldan 'das de bzhin gshegs pa 'od zer snang ba mtha' yas de la 'di skad ces gsol to/ /
102a₅ bcom ldan 'das ji ltar na byang chub sems dpa' theg pa chen po la gzhan gyi dring mi 'jog pa rnams lags/ bcom ldan 'das ji ltar na byang chub sems dpa' khyad par du mchi bas de la gang ma chags pa rnams
102a₆ lags/ bcom ldan 'das ji ltar na byang chub sems dpa' blo mi g.yo mi 'gyur zhing shin du brtan pa rnams lags/ bcom ldan 'das ji ltar na byang chub sems dpa' thabs dang shes rab yongs su dag
102a₇ pa rnams lags/ bcom ldan 'das ji ltar na byang chub sems dpa' rgyang ring du lta la rtsa ba yang ma chad pa rnams lags/ bcom ldan 'das ji ltar na byang chub sems dpa' yul yang 'byor la bag mchis
102a₈ pa yang mi 'dor ba rnams lags/ bcom ldan 'das ji ltar na byang chub sems dpa' don zab mo'i tshul la mi skrag pa rnams lags/ bcom ldan 'das ji ltar na byang chub sems dpa' la byang chub sems

_{iiif viewer powered by OpenSeadragon}

101b - 102b

Texts on this page