| e-texts navigator |
| བོད་ཡིག |
100a1 rgya mtsho sngon byung ba 'das pa'i dus na bskal pa grangs med pa'i yang ches grangs med pa shin du rgyas pa tshad med pa/ bsam gyis mi khyab pa mtshungs pa med par gyur pa de'i tshe de'i dus na skar mdog gi
100a2 bskal pa la shin du sprul pa'i 'jig rten gyi khams su bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od zer snang ba mtha' yas shes bya ba rig pa dang zhabs su ldan pa/ bde bar gshegs pa/
100a3 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ngo / /ci'i phyir de bzhin gshegs pa de 'od
100a4 zer snang ba mtha' yas shes bya zhe na/ bcom ldan 'das de thams cad mkhyen pa ma thob cing byang chub sems dpar gyur bzhin du byang chub kyi snying po la 'dug nas lus las 'od 'di lta bu phyung ste/ 'od rab tu phyung ba
100a5 des phyogs bcu'i sangs rgyas kyi zhing tshad med grangs med bgrang ba las shin du 'das pa dag snang ba chen pos gsal bar gyur to/ /sangs rgyas kyi zhing de dag na byang chub sems dpa' gang dag phyir mi ldog pa dang /
100a6 skye ba gcig gis thogs pa 'khod pa de dag gis byang chub sems dpa' byang chub kyi snying po la 'dug pa de mthong ngo / /mthong nas kyang byang chub sems dpa' de ga la ba de logs su me tog dag gtor to/ /gtor ba dang /
100a7 sangs rgyas kyi mthus 'ongs nas byang chub sems dpa' de'i lus la bab bo/ /me tog de dag gis 'jig rten gyi khams shin du sprul pa der mi bdun gyi 'phang tsam gyi me tog bkram pa gcig pu gnas par gyur to/ /
100a8 'jig rten gyi khams de na dbang che ba dbang che bar grags pa'i lha gang dag dang / byang chub sems dpa' gang dag 'khod pa de dag gis 'od de mthong nas gang 'di lta bu rnam par dag pa'i 'od byung ba las na kye ma
iiif viewer powered by OpenSeadragon
Texts on this page
J96 - 'phags pa blo gros rgya mtshos zhus pa zhes bya ba'i theg pa chen po'i mdo