rKTs

e-texts navigator

Volume

Page

279b₁ bcom ldan 'das la 'di skad ces gsol to/ /bcom ldan 'das ni bla ma'i mchog /khams gsum pa'i dam pa/ byang chub kyi bsod nams kyi lhag pa'i gzhi/ sems can thams cad nges par sgrol bar mdzad pa/ kun du khyab pa'i
279b₂ thabs la mkhas pa'i phyogs thug pa ma mchis pa nges par thob par mdzad pa lags na/ bcom ldan 'das ma mchis pa'i dus snyigs ma'i rnyog pa lnga dang ldan pa la dug gsum 'bar zhing rab tu 'bar la/ gcig la gcig gdung bar
279b₃ bgyid pa'i sems can rnams kyi nang na gang nyes par bsam pa sems pa'i dus na gtso bo ma mchis shing de gang gi yang ma lags pa dang / rgyal po dang / blon po chen po rnams yul la sred pas zil gyis non te phan tshun mi mthun zhing gcig
279b₄ la gcig g.yul bgyed pa dang / de dag gcig la gcig g.yul 'gyed pa na gzhan dag gi dmag gi dpung gi tshogs dang / de las gzhan pa yul gyi mi lus chab 'tshal ba rnams kyi ming yang mi gda' ba dang / sangs rgyas kyi bsod
279b₅ nams kyi mthus sangs rgyas kyi slob ma gang zag bzhi po mang po de dag kyang bstan pa 'di la 'jug cing rab tu byung ba'i tshul 'thob pa dang / de dag kyang phyi rol gyi gos ngur smrig tsam dang / khong pa'i nang gi 'dun pa dang / zhe sdang dang /
279b₆ shin du ma gus shing phan tshun mi mthun la gcig la gcig skur pa 'debs par bgyid pa dang / skyon sgrogs par bgyid pa dang / yon tan nges par sbed par bgyid pa dang / nga rgyal dang / rgyags pa dang / dregs pas non cing ngar 'dzin pa dang /
279b₇ nga yir 'dzin par bgyid pa dang / de dag shi 'phos na yang ngan song gsum du skye zhing yud tsam zhig rnyed pa'i dpal yang ma 'tshal ba dang / tshe rabs gzhan dag tu bskal pa mang por sdug bsngal gyi tshor ba mi bzad pa/ rtsub pa/
279b₈ tsha ba/ yid du mi mchi ba dag 'byung bar 'gyur ba yang mthong lags so/ /bcom ldan 'das de'i slad du sems can 'di dag yongs su smin par bgyi ba dang / ngan 'gro'i lam las rnam par bzlog nas bsod nams kyis

_{iiif viewer powered by OpenSeadragon}

279a - 280a

Texts on this page