rKTs

e-texts navigator

Volume

Page

206a₁ skad ces smras so/ /tshe dang ldan pa khyod kyi ston pa gang / gang las rab tu byung / gang gi chos la dga'/ de nas tshe dang ldan pa rta thul gyis kun du rgyu nye rgyal la 'di skad ces smras so/ /shAg kya'i sras po brtul zhugs
206a₂ dka' thub chen po kun gyi dam pa dbang dang ldan/ /'khor ba'i rgya mtsho'i pha rol phyin cing grol la de bzhin 'gro ba sgrol mdzad pa/ /sangs rgyas shes bya sad mdzad mi mnyam sdug bsngal mtsho skems da ltar 'di na yod/ /dri ma med pa de'i
206a₃ skyabs su nga song de yi chos la dga'/ /nye rgyal gyis smras pa/ khyod kyi ston pa ji skad smra/ ji skad ston/ tshe dang ldan pa rta thul gyis smras pa/ de'i phyir tshe dang ldan pa legs par rab tu nyon la yid la zung shig dang ngas bshad do/ /ji ltar 'jig rten las
206a₄ dang nyon mongs rgyur bcas byed rgyu ldan 'byung dang / /las dang nyon mongs pa dag ldog rgyu de yang 'dren pas rab tu gsungs/ /gang na skye dang rga dang rgud pa'i sdug bsngal nges par mi gnas pa/ /thar pa'i mchog de smra ba'i khyu mchog de yis rang gis mkhyen te gsungs/ /
206a₅ de nas kun tu rgyu nye rgyal gyis chos kyi rnam grangs 'di thos nas/ chos rnams la chos kyi mig rdul med cing / dri ma dang bral la nyon mongs pa med pa skyes te/ des rgyun tu zhugs pa'i 'bras bu thob nas de'i tshe tshigs su bcad pa 'di skad ces smras so/ /
206a₆ sangs rgyas kyis ni shin tu rnyed dka' thos snyed bdud rtsi'i chos bshad pa/ /'di ni rtag tu skye ba'i 'bab chu skems par bden par khong du chud/ /de ni 'gro ba rnams kyi sdug bsngal rab tu zhi bar 'gyur ba ste/ /lam 'di dam pa shes rab chos rnams bsgom
206a₇ pa mi mnyam byed pa yin/ /de nas kun du rgyu nye rgyal gyis tshe dang ldan pa rta thul la 'di skad ces smras so/ /tshe dang ldan pa de bzhin gshegs pa dgra bcom pa yang dag par rdzogs pa'i sangs rgyas de da lta ga la bzhugs/ tshe dang ldan pa rta thul
206a₈ gyis smras pa/ tshe dang ldan pa bcom ldan 'das ni rgyal po'i khab 'od ma'i tshal bya ka lan da ka gnas pa na 'di lta ste/ ral pa can stong rab tu byung ba'i dge slong gi dge 'dun chen po dang / thabs gcig tu bzhugs so/ /

_{iiif viewer powered by OpenSeadragon}

205b - 206b

Texts on this page