rKTs

e-texts navigator

Volume

Page

195b₁ yang bstan/ sems can rnams kyi dge ba'i rtsa ba shin tu dka' ba dag kyang yang dag par bskyed/ bla na med pa yang dag par rdzogs pa'i byang chub kyang yang dag par bsgrubs zin gyis de bzhin du thams cad rjes su yongs su zung la
195b₂ ci nas kyang nyams par mi 'gyur ba de ltar gyis shig / de nas bcom ldan 'das kyis de'i tshe 'di lta bu'i rdzu 'phrul mngon par 'du bya ba mngon par 'du mdzad de/ de lta bu'i rdzu 'phrul mngon par 'du bya ba mngon par
195b₃ 'du mdzad pas sangs rgyas bcom ldan 'das de dag gis phyogs bcu'i 'jig rten gyi khams dag tu chos bstan pa de dag sangs rgyas kyi zhing 'di na gnas pa'i sems can rnams kyis thos par gyur te/ sangs rgyas
195b₄ bcom ldan 'das de dag gis chos gang dag bstan pa'i chos de dag ston cing chos de dag kun du shes par gyur pa'i sems can gang gA'i klung gi bye ma snyed ni theg pa gsum la rab tu bkod par gyur to/ /bye ba 'bum
195b₅ phrag bcu ni bla na med pa yang dag par rdzogs pa'i byang chub la rab tu bkod par gyur to/ /srog chags bye ba khrag khrig 'bum phrag bcu ni rang byang chub la rab tu bkod par gyur to/ /sems can de bas lhag pa rnams
195b₆ ni zag pa zad pa la gnas par gyur to/ /de ltar chos bstan pa 'dis sems can khrag khrig phrag tshad med/ dpag tu med/ bgrang du med/ gzhal du med cing bsam gyis mi khyab pa rnams kyi don byas par gyur to/ /
195b₇ de nas bcom ldan 'das kyis dge slong rnams la bka' stsal pa/ dge slong dag da ni nga yongs su mya ngan las 'da' yis khyed kyis ci nas kyang sangs rgyas kyi bstan pa kun tu bsrung ba la nan tan gyis shig /dge slong dag khyed
195b₈ kyis bdag la phan pa dang / gzhan la phan pa'i phyir de ltar bslab par bya'o/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten

_{iiif viewer powered by OpenSeadragon}

195a - 196a

Texts on this page