| e-texts navigator |
| བོད་ཡིག |
130b1 par bcom ldan 'das la 'di skad ces gsol to/ /bsod nams thams cad bsdus pa'i ting nge 'dzin gyi chos kyi rnam grangs 'di ci nas slad ma'i dus na spyod pa dang rgyas par 'gyur bar bcom ldan 'das kyis byin gyis brlab du gsol/
130b2 de nas bcom ldan 'das kyis de'i tshe smin mtshams kyi mdzod spu nas 'od phyung ste/ 'od des 'jig rten gyi khams mtha' yas mu med par snang bar byas so/ /'od de las de bzhin gshegs pa dgra bcom pa yang dag par rdzogs pa'i
130b3 sangs rgyas kyis chos kyi rnam grangs 'di byin gyis brlabs so zhes sgra yang byung ngo / /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo de bzhin gshegs pa ni ring po mi thogs par zla ba
130b4 gsum 'das pa na yongs su mya ngan las 'da' bar 'gyur te/ kun dga' bo chos kyi rnam grangs 'di gzung ba dang / gzhan dag la yang rgyas par yang dag par bstan pa'i bar gyi phyir khyod la gtad do/ /kun dga' bo sems can gang
130b5 dag su yang rung ste/ chos kyi rnam grangs 'di 'chang bar byed pa de dag la ni sangs rgyas bcom ldan 'das rnams yongs su mya ngan las 'da' bar mi 'gyur ro/ /chos kyang nub par mi 'gyur ro/ /de ci'i phyir zhe na/ kun dga'
130b6 bo gal te chos kyi rnam grangs 'di la sgrub par byed na de ni sangs rgyas mthong ba yin la/ gzhan dag la brjod cing ston pa de ni dam pa'i chos yongs su 'dzin pa'i phyir ro/ /de nas tshe dang ldan pa kun dga' bo ngus te mchi ma
130b7 phyis nas/ bcom ldan 'das la 'di skad ces gsol to/ /skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo'i tshogs chen po dang / lha dang mi rnams kyi don dang
130b8 sman pa dang / bde ba'i slad du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bskal pa 'am/ bskal pa las lhag par bzhugs su gsol/ bcom ldan 'das kyis bka' stsal pa
iiif viewer powered by OpenSeadragon
Texts on this page
J79 - 'phags pa bsod nams thams cad bsdus pa'i ting nge 'dzin zhes bya ba theg pa chen po'i mdo