rKTs

e-texts navigator

Volume

Page

130a₁ char chen po yang mngon par bab bo/ /lha dang bcas pa'i 'jig rten yang ngo mtshar du gyur te/ ca co dang ga zha'i sgra bton nas thal mo sbyar te/ de bzhin gshegs pa la phyag 'tshal nas tshig 'di skad du sems can gang
130a₂ dag gis bla na med pa yang dag par rdzogs pa'i byang chub tu sems bskyed pa de dag ni rnyed pa legs par rnyed pa lags so/ /bsod nams brgya'i mtshan 'di lta bu dang ldan par 'gyur ba de dag gis ni brgya byin dang / tshangs pa dang / 'jig
130a₃ rten skyong ba de dag thams cad dang / nyan thos dang / rang sangs rgyas thams cad kyang zil gyis non lags so/ /ting nge 'dzin rin po che 'di sems can gang dag gi rna lam du grag pa 'am/ thos nas kyang ma nor bar bsgrub pa de dag
130a₄ kyang rnyed pa legs par rnyed pa lags so/ /sa phyogs gang na ting nge 'dzin 'di spyod pa de dag kyang skal ba dang ldan pa lags so/ /rigs kyi bu 'am rigs kyi bu mo gang dag ting nge 'dzin rin po che 'di rgyas par yang dag par ston pa de dag ni
130a₅ de bzhin gshegs pas byin gyis brlabs par rig par bgyi'o/ /gang du ting nge 'dzin gyi chos kyi rnam grangs 'di rna lam du grags par 'gyur ba der ni 'jig rten gyi khams gang gA'i klung gi bye ma snyed zhugs kyis gtams pa la yang
130a₆ 'bogs te/ ting nge 'dzin 'di mnyan pa'i slad du mchi bar bgyi'o zhes kyang gsol to/ /bcom ldan 'das kyis bka' stsal pa/ rigs kyi bu dag ni de bzhin te/ khyed ji skad zer ba bzhin no/ /rigs kyi bu 'am rigs kyi bu mo
130a₇ gang dag ting nge 'dzin 'di mi nyan pa dang / mi 'chang ba dang / mi klog pa dang / kun chub par mi byed pa dang / gzhan dag la yang rgyas par yang dag par mi ston pa de dag ni bdud kyis byin gyis brlabs par rig par bya'o/ /rigs kyi bu byang
130a₈ chub sems dpa' gang dag bsod nams thams cad bsdus pa'i ting nge 'dzin 'di gzhan dag la rgyas par yang dag par mi ston pa de dag la ni mang du thos pa zhes nga mi smra'o/ /de nas lha'i bu de dag dang / byang chub sems dpa' de dag gis 'thun

_{iiif viewer powered by OpenSeadragon}

129b - 130b

Texts on this page