| e-texts navigator |
| བོད་ཡིག |
129b1 po de dag gcig tu bsdoms pa ni rang sangs rgyas gcig la yod do/ /sred med kyi bu 'jig rten gyi khams gang gA'i klung gi bye ma snyed dag na sems can ji snyed yod pa sems can du bsdu bar bsdus pa de dag thams cad rang
129b2 sangs rgyas kyi bsod nams kyi phung po dang ldan par gyur la/ nyan thos dang rang sangs rgyas de dag thams cad kyi bsod nams kyi phung po gang yin pa'i bsod nams kyi phung po de dag ril kyis bsdoms pa de lta bu'i bsod
129b3 nams kyi phung po dang ldan pa'i byang chub sems dpas ni bsod nams thams cad bsdus pa'i ting nge 'dzin ces bya ba 'di thob par 'gyur ro/ /sred med kyi bu 'jig rten gyi khams gang gA'i klung gi bye ma snyed dag na sems can
129b4 ji snyed yod pa sems can du bsdu bar bsdus pa de dag thams cad kyis bsod nams thams cad bsdus pa'i ting nge 'dzin 'di thob par gyur la/ sems can de dag thams cad kyi bsod nams kyi phung po gang yin pa'i bsod nams kyi phung po de
129b5 dag bsdoms pas ni nan gyis dper bya na gtan pa med pa'i mchod sbyin gcig 'grub par 'gyur ro/ /sred med kyi bu de lta bu'i mchod sbyin dang / mchod sbyin gyi 'bras bu'i bsod nams kyi phung po de dag brgya gyur du bsgres pas
129b6 ni de bzhin gshegs pa'i sku la skyes bu chen po'i mtshan gcig mngon par 'grub par 'gyur te/ des na de bzhin gshegs pa bsod nams brgya'i mtshan dang ldan pa zhes bya'o/ /thabs de lta bu'i de bzhin gshegs pa'i sku la
129b7 skyes bu chen po'i mtshan sum bcu rtsa gnyis kyi bar du mngon par 'grub ste/ de dag ni sems can thams cad kyis bsam par mi nus so/ /des na de bzhin gshegs pa bsod nams bsam gyis mi khyab pa'i mtshan dang ldan pa zhes bya'o/ /
129b8 bsod nams brgya'i mtshan bstan pa 'di bshad pa na stong gsum gyi stong chen po'i 'jig rten gyi khams 'di rnam pa drug tu g.yos te snang ba chen pos kyang khyab par gyur to/ /sil snyan 'bum yang ma brdungs par 'khrol bar gyur to/ /me tog gi
iiif viewer powered by OpenSeadragon
Texts on this page
J79 - 'phags pa bsod nams thams cad bsdus pa'i ting nge 'dzin zhes bya ba theg pa chen po'i mdo