| e-texts navigator |
| བོད་ཡིག |
128b1 nyan thos dang rang sangs rgyas la yod pa gang yin pa de ni byams pa dang / snying rje yin te/ sems can thams cad bde bar gyur cig ces bya ba 'di ni byams pa dang / snying rje yin gyi/ byams pa chen po dang / snying rje chen po ma
128b2 yin no/ /'o na byams pa chen po dang / snying rje chen po gang yin zhe na/ sems can thams cad la sems snyoms pa gang yin pa de ni byams pa chen po'o/ /sems can thams cad sdug bsngal thams cad las yongs su grol bar
128b3 byed pa gang yin pa de ni snying rje chen po'o/ /bdag gi bde ba spangs nas 'gro ba lngar skyes pa'i sems can rnams kyi nang du bsams bzhin du srid par 'gro ba len pa gang yin pa de ni byams pa chen po zhes bya'o/ /bdag gis sems can
128b4 'di dag 'khor ba'i lam ngan pa las bsgral te lam bzang por dgod par bya'o/ /snyam pa gang yin pa de ni snying rje chen po zhes bya'o/ /sred med kyi bu de bas na rnam grangs 'dis kyang khyod kyis nyan thos dang / rang sangs rgyas rnams kyi ni
128b5 byams pa dang / snying rje yin la/ byams pa chen po dang / snying rje chen po ni ma yin pa yang yod pa de ltar rig par bya'o/ /sred med kyi bu de lta bas na byang chub sems dpa' sems dpa' chen po rnams kyis byams pa chen po dang /
128b6 snying rje chen po dang ldan par bya'o/ /bstan pa 'di bshad pa na srog chags brgyad stong gis bla na med pa yang dag par rdzogs pa'i byang chub tu sems bskyed de/ tshig 'di skad du bcom ldan 'das bdag cag kyang 'jam dpal gzhon nur
128b7 gyur pa 'dis bshad pa gang lags pa'i gnas pa 'di dag gis gnas par bgyi'o zhes kyang gsol to/ /byang chub sems dpa' brgyad khris ni bsod nams thams cad bsdus pa'i ting nge 'dzin 'di thob bo/ /srog chags brgyad
128b8 stong ni chos rnams la chos kyi mig rdul med cing dri ma dang bral ba rnam par dag go/ /de nas bcom ldan 'das la byang chub sems dpa' sred med kyi bus 'di skad ces gsol to/ /bcom ldan 'das de bzhin gshegs pa dgra
iiif viewer powered by OpenSeadragon
Texts on this page
J79 - 'phags pa bsod nams thams cad bsdus pa'i ting nge 'dzin zhes bya ba theg pa chen po'i mdo