rKTs

e-texts navigator

Volume

Page

128a₁ snyam du sems na dga' ba la gnas pa yin no/ /bdag gis sems can thams cad 'jig rten gyi chos rnams las rnam par grol bar bya'o snyam du sems te/ gal te byang chub sems dpa' de ltar gnas na btang snyoms
128a₂ la gnas pa yin no/ /sred med kyi bu gzhan yang byang chub sems dpa' gang gi tshe chos kyi dbyings stong pa la mos pa de'i tshe byams pa la gnas pa yin no/ /gang gi tshe chos thams cad dben pa la mos pa de'i tshe snying rje la gnas pa yin
128a₃ no/ /gang gi tshe chos thams cad chags pa med pa dang / bcings pa med pa dang / grol ba med par mos pa de'i tshe dga' ba la gnas pa yin no/ /gang gi tshe chos thams cad song ba med pa dang / 'ong ba med pa la mos pa de'i tshe
128a₄ btang snyoms la gnas pa yin te/ sred med kyi bu de ltar na byang chub sems dpa' byams pa dang / snying rje dang / dga' ba dang / btang snyoms la gnas pa yin no/ /sred med kyi bu gzhan yang byang chub sems dpa' gang gi
128a₅ tshe chos bdag med pas mi skrag pa de'i tshe byams pa la gnas pa yin no/ /gang gi tshe chos thams cad dben pas mi skrag pa de'i tshe snying rje la gnas pa yin no/ /gang gi tshe sangs rgyas kyi chos thams cad mnyam pa'i chos
128a₆ nyid kyis mi skrag pa de'i tshe dga' ba la gnas pa yin no/ /gang gi tshe sangs rgyas kyi zhing thams cad mi zad pa'i chos nyid kyis mi skrag pa de'i tshe btang snyoms la gnas pa yin no/ /sred med kyi bu gzhan yang byams pa ni zhe
128a₇ 'gras pa med pa'i mtshan nyid do/ /snying rje ni kun tu spyod pa med pa'i mtshan nyid do/ /dga' ba ni gnod sems med pa'i mtshan nyid do/ /btang snyoms ni ma khengs ma dud pa'i mtshan nyid do/ /sred med kyi bu gzhan yang
128a₈ byams pa dang snying rje yin la/ byams pa chen po yang ma yin/ snying rje chen po yang ma yin pa yang yod de/ byams pa chen po dang / snying rje chen po gang yin pa de ni nyan thos dang / rang sangs rgyas thams cad la med do/ /

_{iiif viewer powered by OpenSeadragon}

127b - 128b

Texts on this page