rKTs

e-texts navigator

Volume

Page

127b₁ gnas pa ste/ sred med kyi bu bzhi po de dag ni byang chub sems dpa' rnams kyi gnas pa yin no/ /sred med kyi bu byang chub sems dpa' gang yang rung ste/ grong ngam/ dgon pa na gnas kyang rung gnas pa bzhi po de dag
127b₂ gis gnas pa de ni gnas pa la gnas pa zhes brjod par bya'o/ /gal te rnam par rgyal byed dang 'dra ba'i khyams dang / khang pa brtsegs pa dag na gnas su zin kyang gnas pa na gnas pa zhes brjod par mi bya'o/ /sred med
127b₃ kyi bu gal te byang chub sems dpa' tshangs pa'i gnas pa bzhi dang bral bzhin du bdag nyid gnas pa la gnas so snyam du 'dzin na/ de ni bdag dang / lha dang mi dang lha ma yin du bcas pa'i 'jig rten slu ba yin te/ yul 'khor gyi
127b₄ bsod snyoms za ba yang don med par 'gyur ro/ /sred med kyi bu byang chub sems dpa' tshangs par spyad pa spyod pa gang dag su yang rung ba de dag thams cad ni tshangs pa'i gnas pa chen po bzhis nges par 'byung ngo / /sred med kyi bu de
127b₅ bas na tshangs pa'i gnas pa bzhi po rnams dang / 'phags pa'i bsam gtan 'thob pa la mi snang ba gang dag yin pa de dag ni tshangs par spyod pa la gnas pa las thag ring la/ nga rgyal ma spangs pa'i phyir 'jig rten pa'i 'jig tshogs
127b₆ la lta bas rlom sems su byed par 'gyur ro/ /byang chub sems dpa' sred med kyi bus smras pa/ 'jam dpal ji ltar na/ byang chub sems dpa' rnams byams pa la gnas pa yin/ ji ltar na snying rje la gnas pa yin/ ji ltar na
127b₇ dga' ba la gnas pa yin/ ji ltar na btang snyoms la gnas pa yin/ 'jam dpal gyis smras pa/ sred med kyi bu gal te byang chub sems dpa' 'di ltar gnas par byed de/ bdag gis sems can thams cad bsgral
127b₈ bar bya'o snyam du sems na byams pa la gnas pa yin no/ /bdag gis sems can thams cad dgrol bar bya'o snyam du sems na snying rje la gnas pa yin no/ /bdag gis sems can thams cad sangs rgyas kyi chos rnams la dgod par bya'o

_{iiif viewer powered by OpenSeadragon}

127a - 128a

Texts on this page