| e-texts navigator |
| བོད་ཡིག |
127a1 tshogs dang / ye shes kyi tshogs mi zad pa yang 'thob par 'gyur ro/ /'jam dpal gyis smras pa/ sred med kyi bu bzhi po 'di dag ni byang chub sems dpa' rnams kyi gnas pa yin te/ bzhi gang zhe na/ 'di lta ste/
127a2 byang chub sems dpa' rnams ni lus dang srog la lhag par zhen pa med par gnas pa yin te/ de dag rnyed pa dang / bkur sti dang / tshigs su bcad pa 'dod pa ma yin pa dang / byang chub sems dpa' rnams ni stong pa nyid dang /
127a3 mtshan ma med pa dang / smon pa med pa la gnas pa yin te/ nyan thos dang / rang sangs rgyas kyi nges pa la 'jug pas gnas pa ma yin pa dang / byang chub sems dpa' rnams ni sangs rgyas kyi ye shes dang / so so yang
127a4 dag par rig pa 'dod pa yin te/ g.yo ba dang rlom sems dang / kun tu rtog pa dang / rnam par rtog pa mi 'dzin par gnas pa dang / byang chub sems dpa' rnams ni sems can thams cad 'dra bar thar pa la gnas pa yin te/
127a5 bdag dang / sems can dang / srog dang / gso ba dang / skyes bu dang / gang zag la mi dmigs par gnas pa'o/ /sred med kyi bu byang chub sems dpa' rnams kyi gnas pa bzhi po de dag ni gnas pa'i mchog dang rab dang /
127a6 rab mchog yin te/ bsod nams kyi tshogs mi zad pa dang / ye shes kyi tshogs mi zad par 'gyur ba nas lta ba'i rnam pa thams cad spong bar 'gyur ba dang / sangs rgyas kyi chos thams cad kyi bar du rtogs par 'gyur ba'o/ /byang chub
127a7 sems dpa' sred med kyi bus smras pa/ 'jam dpal ji ltar na byang chub sems dpa' rnams kyis gnas pa 'di dag thob par 'gyur zhing / khyim gyi gnas nas kyang mngon par 'byung bar 'gyur/ 'jam dpal gyis smras pa/
127a8 sred med kyi bu bzhi po 'di dag ni byang chub sems dpa' rnams kyi gnas pa yin te/ bzhi gang zhe na/ 'di lta ste/ byams pa la gnas pa dang / snying rje la gnas pa dang / dga' ba la gnas pa dang / btang snyoms la
iiif viewer powered by OpenSeadragon
Texts on this page
J79 - 'phags pa bsod nams thams cad bsdus pa'i ting nge 'dzin zhes bya ba theg pa chen po'i mdo