rKTs

e-texts navigator

Volume

Page

126b₁ ste/ de dag ni rab tu byung ba kho na yin par brjod par bya'o/ /de ci'i phyir zhe na/ 'di ltar byang chub sems dpa' ting nge 'dzin 'di khong du chud par bya ba'i phyir brtson pa rnams ni 'du shes thams cad dang bral bar 'gyur te/ gnas pa gang dang
126b₂ gang gis gnas pa de dang des bsod nams dang ye shes mi zad pa thams cad mi spong ngo / /sred med kyi bu byang chub sems dpa' rnams ni sems can yongs su smin par bya ba'i phyir kha dog dang / gzugs sna tshogs ston to/ /sred med
126b₃ kyi bu gzhan yang de dag ni thams cad du yang 'brel la thams cad du yang ma gtogs te/ sred med kyi bu 'di lta ste dper na zla ba dang nyi ma 'di gnyis ni thams cad du 'brel te/ gling bzhi po dag tu yang rgyu la thams cad du yang ma
126b₄ gtogs pa de bzhin du/ sred med kyi bu byang chub sems dpa' de dag ni spyod pa thams cad la yang mi rten la khyim gyi sa na gnas pa yang ma yin/ khyim gyi chos la yang mi rten/ rab tu byung ba yang ma yin/ rab tu byung
126b₅ ba la yang mi gnas/ dge sbyong gi chos la yang mi rten te/ de dag ni gnyis ka'i phyogs su brjod du med do/ /de ci'i phyir zhe na/ byang chub sems dpa' de dag ni skye ba'i gnas thams cad la mi rten par blta bar bya ba'i
126b₆ phyir/ /sred med kyi bu dper na nor bu rin po che chen po bai dUr+ya ni snod gang dang gang na gnas kyang rung ste/ de dang de nyid na nor bu rin po che'i rang bzhin mi 'dor ba de bzhin du/ sred med kyi bu byang chub sems dpa' ting nge 'dzin 'di la gnas
126b₇ pa rnams na khyim gyi sa na gnas pa de dag kyang rab tu byung ba zhes brjod par bya ste/ chos kyi dbyings kyi ngo bo nyid de yong mi 'dor ro/ /de skad ces smras nas byang chub sems dpa' sred med kyi bus 'jam dpal gzhon nur gyur pa la
126b₈ 'di skad ces smras so/ /'jam dpal byang chub sems dpa' sems dpa' chen po gnas pa gang gis gnas na bsod nams thams cad bsdus pa'i ting nge 'dzin 'di las yongs su nyams par mi 'gyur la/ bsod nams kyi

_{iiif viewer powered by OpenSeadragon}

126a - 127a

Texts on this page