| e-texts navigator |
| བོད་ཡིག |
9a1 sa ya phrag bcwa brgyad bcwa brgyad yod do/ /de dag la glang po che rtag tu 'gram pa nas rngul 'dzag pa dag dang / rta rlung gi shugs pas lhag par mgyogs pa dag kyang yod do/ /de dag gi mchod pa'i yo byad gang yin
9a2 pa de dag kyang mchod pa'i yo byad snga ma de dag las nyis gyur gyis ches bzang la ches mang ste/ de lta bu'i mchod pa'i phul dag khyer nas/ dpung gi tshogs yan lag bzhi dang bcas te lhags so/ /de dag gi mchod pa de rnams kyi nang na
9a3 gdugs thung ngu gang yin pa de yang dpag tshad brgyad bcu chu zheng gab par 'dug go/ /ba dan gyi nang na chung ngu gang yin pas kyang dpag tshad brgya stong du phyin to/ /rgyal mtshan phal pa gang yin pa de la yang 'phang du dpag tshad sum
9a4 bcu yod do/ /de ltar yangs pa can gyi rgyal po zla ba dri ma med pa'i snying po dang / nyi 'od ces bya ba dang / de la sogs pa rgyal po rnams nyi ma 'char kar lhags te/ de dag kyang dam pa'i chos sun 'byin cing rtags can 'chal pa
9a5 rnams kyi ser ba lta bur gyur pa/ mthus kyang sems can rnams dam pa'i chos la 'god par byed pa dang / bdag cag gi nor dang 'bru'i tshogs dang mdzod dang bang ba'i tshogs gang yin pa de dag ni dam pa'i chos gnas par bya ba'i phyir
9a6 ro snyam du sems pa sha stag dang bdag cag gis dam pa'i chos la nan tan bya'o/ /dam pa'i chos sun 'byin pa rnams kyi lce ni drung nas bcad do zhes dam bcas pa brtan por byas pa sha stag dang / theg pa chen po 'dod pa dang / 'jig
9a7 rten thams cad la snying brtse ba sha stag ste/ de dag gi mchod pa rnams kyis yangs pa can nas grong khyer ku shi'i bar thams cad kun tu gang bar gyur to/ /de dag gi gdugs kyi grib ma 'dab chags su 'dug pas ni nyi ma'i 'od
9a8 kyis mi phog go/ /de dag gi kha zas kyi dri bsung gis ni dpag tshad bzhir khyab par gyur te/ de dag gis bcom ldan 'das la rang rang gis sbyar ba'i zhal zas bzhes par lan gsum gyi bar du gsol ba btab kyang zhal zas ma
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo