| e-texts navigator |
| བོད་ཡིག |
99b1 brtags nas phyir yang ma'i nu ma nu bar byed pa de bzhin du dge slong dag khyed kyis kyang bdag cag la de bzhin gshegs pa'i snying po yod do snyam du brtags nas sgom pa la brtson par gyis shig dang da bstan to/ /
99b2 gsol pa/ 'di ni byis pa btsas ma thag tu shes pa chung la shes pa ma mchis pa ni gsal bar 'gyur ba mi rigs lags so/ /gal te bdag mchis na ni shes pa dang blo gros dang yang ldan pa'i rigs lags so/ /gal te
99b3 shes pa zhan pa lags na ni gsal bar 'gyur ba'i yang mi rigs pas na bdag ni bdag ma mchis shes mchis lags so/ /de ci'i slad du zhe na/ bdag rtag pa lags na skyes slan chad 'gum pa'i mi rigs lags so/ /gal te de
99b4 bzhin gshegs pa'i khams rtag pa lags na tha dad pa'i bye brag kyang de la snang ste/ bram ze dang / rgyal rigs dang / rje'u rigs dang / dmangs rigs dang / gdol pa dang / dud 'gro'i skye gnas su gyur pa'i las kyi bye brag
99b5 rnams las skye ba'i bye brag tha dad pa dag kyang snang lags so/ /gal te bdag mchis na bye brag ma mchis pa'i bdag ni mnyam pa nyid lags te de lta na de la khams ma mchis lags so/ /gal te khams mchis na gsod pa dang /
99b6 pha rol gyi nor rku ba dang / 'khrig pa la sogs pa mi dge ba bcu'i las kyi lam rnams la ci'i slad du 'jug lags/ chang 'thungs pas ci'i slad du ra ro bar 'gyur lags/ gal te sems can gyi khams rtag pa lags na de lta na
99b7 'on pa rnams kyang rna bas thos par 'gyur ba'i rigs/ long ba rnams kyang mthong bar 'gyur ba'i rigs/ lkug pa rnams kyang smra mkhas par 'gyur ba'i rigs lags so/ /gal te bdag sems can gyi khams de rtag pa lags na/
99b8 bad kan dang / nur nur po dang / sngon po dang / ser po'i tshogs rnams bdag gang gi nang na gnas lags/ bdag da yang de rnams kyi go skabs gang na gnas lags/ 'on te rlan dang 'dra bar thams cad du gnas lags sam/
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo