| e-texts navigator |
| བོད་ཡིག |
98a1 yin no/ /de la de bzhin gshegs pa rtag ste/ sha'i sku ma yin pa la sha'i sku yin te/ sha dang khrag dang rgyus pas sbrel ba yin no/ /mi gtsang ba'o/ /chos dang dge 'dun gnyis kyang thar pa thob nas mi snang bar 'gyur
98a2 ro snyam pa ni gtsang ba la mi gtsang bar phyin ci log pa yin no/ /bdag gi lus thams cad ni mi gtsang ba yin te/ gtsang zhes bya ba ci yang med na bdag gi lus ni gtsang ngo snyam du bsgom pa ni mi gtsang ba la gtsang ngo snyam du 'dzin pa yin
98a3 no/ /bdag kyang gang na ci yang med pa der 'gro'o snyam pa ni gtsang ba la mi gtsang ngo snyam du sgom pa rmongs par byed pa'i chos yin te 'di ni phyin ci log bzhi pa yin par rig par bya'o/ /gsol pa/ bcom ldan 'das bdag ni da gzod yang
98a4 dag pa'i lta ba can du gyur te/ 'di srid kyi bar du log par lta bar gyur lags so/ /bcom ldan 'das ci lags/ srid pa nyi shu rtsa lnga la bdag mchis shes bgyi 'am ma mchis zhes bgyi/ bka' stsal pa/ bdag ces bya ba ni de bzhin
98a5 gshegs pa'i snying po'i don to/ /sangs rgyas kyi khams ni sems can thams cad la yod mod kyi/ de yang nyon mongs pa'i rnam pa rnams kyis bsgribs te bdag nyid la yod bzhin du sems can rnams kyis mthong bar mi nus so/ /
98a6 'di lta ste/ dper na grong khyer chen po zhig na dbul po'i khyim zhig na gser gyi gter zad mi shes pa zhig yod la/ de la bud med dbul mo zhig 'dug pa des kyang bdag gi khyim gyi sa'i 'og na gter yod par mi shes te/ der thabs dang
98a7 ldan pa'i mi zhig gis bud med de la smras pa/ sru tshur shog bdag gis khyod la gla sbyin gyis bdag gi zhing las byed du song shig ces byas pa dang / des de la smras pa/ jo bo bdag mi mchi'o/ /gal te khyod kyis bdag gi bu la gter bstan
98a8 na ni gzod bdag mchi bar 'tshal lo zhes 'thad pas grub pa'i tshig smras pa dang / des de la smras pa/ sru bdag gi bu khyod las skyes ma thag tu bdag gis rin po che dang gser gyi gter zad mi shes pa sbyin par bya'o/ /de nas des de la
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo