| e-texts navigator |
| བོད་ཡིག |
97a1 'thob bo snyam du khyod kyis shes par gyur pa de ni sdug bsngal 'gog pa bsgom par bya ba la sgom pa yin no/ /de bzhin gshegs pa'i snying po bdag med par bsgoms shing gtan du stong pa nyid bsgoms
97a2 pas ni sdug bsngal rnams mi 'gag par phye ma leb mar me'i nang du song ba bzhin du 'gyur ro/ /de lta ma yin par de bzhin gshegs pa'i snying po yod par bsgoms pa'i sems can rnams ni nyon mongs pa rnams yod bzhin du
97a3 nyon mongs pa'i rnam pa 'gog par byed do/ /de ci'i phyir zhe na/ de bzhin gshegs pa'i snying po'i rkyen gyi phyir te/ de shes pa ni yang dag par rdzogs pa'i sangs rgyas kyi bka' las sdug bsngal 'gog pa'i tshig bden pa zhes bya'o/ /
97a4 gzhan ni bsgom pa ma yin pa la bsgom pa'o/ /'di ni sdug bsngal 'gog par 'gyur ba'i lam zhes bya ba ni de bzhin gshegs pa dang / chos dang / dge 'dun dang / thar pa rnams te/ 'di ltar de rnams la phyin ci log bzhis phyin
97a5 ci log tu gyur pa'i dngos po ni thar pa'o/ /thar pa la yang ci yang med do snyam pa de ni 'di ltar sgyu mar 'dug ste 'khor ba'i sdug bsngal gyi nang du yongs su 'khyam pa yin la/ bsgom nyes pa'i de'i 'bras bus na yun ring por sdug bsngal
97a6 nyams su myong bar 'gyur ro/ /da ni bdag gis de bzhin gshegs pa dang / chos dang dge 'dun dang / thar pa rnams rtag pa dang / brtan pa dang / ther zug pa dang / 'jig par mi 'gyur bar sems gcig bskyed pa'i 'bras bus dbang
97a7 phyug rtag pa'i 'bras bu thob bo/ /phyin ci log bzhi po sdug bsngal ba dang / bdag med pa dang / mi gtsang ba rnams chos ma yin pa la chos yin no snyam du 'dzin pas lta ba ngan pa'i 'bras bu myong ba 'di ni sdug bsngal 'gog par 'gyur
97a8 ba'i lam zhes bya'o/ /gzhi gsum rtag par bsgom pa bsgrub pa'i phyir mi rtag pa sgom pa gang yin pa de dag ni mi bden pa'i bsgom pa sgom pa yin no/ /de ltar rtag par sgom pa gang yin pa de dag ni nga'i nyan thos yin te/ 'phags
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo