| e-texts navigator |
| བོད་ཡིག |
96a1 sde yin par rig par bya'o/ /bdud kyis smras pa'i mdo sde dang 'dul ba tshad mar byed pa'i sems can gang yin pa de dag ni bdud dang 'thun par byed pa yin par rig par bya'o/ /sangs rgyas kyis gsungs pa'i
96a2 mdo sde dang 'dul ba tshad mar byed pa'i sems can gang yin pa de dag ni byang chub sems dpa' yin par rig par bya'o/ /rigs kyi bu 'di ni ngas bdud kyis smras pa dang / sangs rgyas kyis gsungs pa'i bye brag rgyas par bstan pa yin
96a3 no/ /gsol pa/ bcom ldan 'das bdag ni deng gdod sangs rgyas kyi bka' la zhugs lags so/ /bka' stsal pa/ rigs kyi bu legs so legs so/ /rigs kyi bu khyod legs te mkhas pas ni de ltar bya dgos so/ /yang bka'
96a4 stsal pa/ rigs kyi bu 'di ni sdug bsngal lo zhes bya ba ni 'phags pa rnams kyi bden pa zhes mi bya ste/ sdug bsngal de yang gang zhe na/ sdug bsngal zhes bya ba ni ba lang dang / bong bu la sogs pa dang sems can dmyal ba pa rnams la
96a5 yang yod de/ gal te sdug bsngal de bden pa yin du zin na de rnams kyi yang bden pa yin par 'gyur ro/ /sdug bsngal zhes bya ba 'di ni kye ma sdug bsngal shes pa zhes bya ba la de bzhin gshegs pa rtag pa'o/ /chos kyi sku yin te sha'i
96a6 sku ma yin no zhes de bzhin gshegs pa'i che ba nyid shes pa ni sdug bsngal shes pa'o/ /de ma thob kyi bar du sems can rnams kyis chos ma yin pa la chos yin no snyam du yongs su brtags nas 'khor ba'i 'khor lo shin tu sdug bsngal ba'i
96a7 gnas su yun ring por sdug bsngal nyams su myong nas ngan 'gror 'gro bar 'gyur ro/ /gang gi tshe de bzhin gshegs pa rtag par shes pa de'i tshe ni yi ge 'bru gnyis po ji lta bur thos kyang rung ste bde 'gror 'gro bar 'gyur ro/ /de nas thar pa
96a8 yang thob par 'gyur ro/ /des na 'di na rdzu 'phrul gyi bde ba yin no snyam du rang gis rtogs par 'gyur te/ de bzhin gshegs pa rtag ces bya ba thos pa tsam gyi rgyu des na bdag 'dir 'ongs so/ /de bzhin gshegs pa rtag par ma
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo