rKTs

e-texts navigator

Volume

Page

94b₁ bya'o/ /sems can thams cad kyang nges par bsgral bar bya'o/ /'dul ba dang 'dul ba ma yin pa'i bye brag kyang phyed par bya'o/ /bdag la sangs rgyas su 'gyur ba'i sa bon de bzhin gshegs pa'i snying po zhes bya ba yod de/ bdag gis
94b₂ sangs rgyas thob par 'gyur ro/ /bdag gis nyon mongs pa'i rnam pa rnams rnam par gzhom par bya'o/ /dge bsnyen khyed rnams la yang sangs rgyas kyi khams yod de/ bdag cag kun kyang sangs rgyas su 'gyur zhing de bzhin gshegs pa'i sa
94b₃ thob par 'gyur ro/ /nyon mongs pa'i rnam pa rnams zad par bya'o snyam du sems pa de lta bu ni dam pa'i chos kyi rtog pa'i sgo nas byang chub sems dpa' yin te mi'i chos las bla mar gyur pa'i nyes pa byung ba ma yin no zhes nga zer ro/ /nyes
94b₄ byas kyi nyes pa byung bas kyang sum bcu rtsa gsum pa'i lha rnams kyi lo grangs pas kyang lhag par lo brgyad khri'i bar du sems can dmyal bar 'tshed par 'gyur na nyes pa sbom po lta ci smos te/ theg pa chen po 'di la ni nyes pa sbom po'i nyes
94b₅ pa byung ba dang bsten par mi bya'o/ /nyes pa sbom po zhes bya ba ni bcom ldan 'das kyi mchod rten bsrung ba'i phyir gzhan yongs su gzung ba la me tog gi phreng ba btags pa de rnyings nas srad bu dgos pa'i phyir len par byed de/ dge slong
94b₆ rnams la 'dzem nas dge slong rnams la ma dris par dge slong gis blangs na nyes pa sbom po'i nyes pa can du 'gyur ro/ /gal te 'di lta zhig gis cir yang mi 'gyur ro snyam du 'dzin te len par byed na yang de lta bu dag dang bsten par mi bya'o/ /
94b₇ rku ba'i sems kyis mchod rten bshig na yang nyes pa sbom po'i nyes pa can du 'gyur te/ de lta bu dag dang bsten par mi bya'o/ /'di na khyim bdag gam blon po la la zhig gis gal te chos kyi bsam pas sku gdung la bkur sti bya'am/ phag
94b₈ gu dgos pa'i phyir mchod rten rnying pa bshig ste/ blangs nas khyim bdag gam blon po des mchod rten de las gser dngul zhig byung na/ de dge slong 'ga' zhig gi lag tu gtad pa las dge slong des de blangs te/ bdag gi nor du byas la rtsod

_{iiif viewer powered by OpenSeadragon}

94a - 95a

Texts on this page